زبدةالاشعار

دور ای جمال و حُسن رخی ماهتاب اوغول #اکبریه_رجایی_تبریزی

زبانحال حضرت امام حسین در بالین فرزند دلبندش

.
✍️ #زبدةالاشعار ✍️

🆔: @nohe_torki
.
مرحوم سید حسین رجائی
.
دور ای جمال و حُسن رخی ماهتاب اوغول
ئوز پرتویندن اولدى خجل آفتاب اوغول
.
ای بنزییَن جمال و کمالی پیمبره
وی منطقینده حضرت ختمی مآب اوغول
.
عطرون دوتوبدی عرصۀ میدانی گل کیمی
سرمست ایدوبدی دشمنی بوی گلاب اوغول
.
حیرتده قویموسان هامونی حُسن رویوه
تکمیل ایدوبدی حسنوی حُسن شباب اوغول
.
نور جمالون ایلمه سون خیره گوزلری
قاندان چکوبدی بو قمر اوسته سحاب اوغول
.
بو رسمدور جوانلار الینه قویار حنا
اولدی سنون الونده حنا قان خضاب اوغول
.
هانسی خطالی الدى بو حاله سالوب سنی
جور و جفادن ایلمیوب اجتناب اوغول
.
مشکلدی هر آتا گوره جان اوسته اوغلونی
اولماز ندن بو عالم امکان خراب اوغول
.
باشون دیزیمده جان وئروسن سینم اودلانور
یوخدور بو حالی گورماقا قلبیمده تاب اوغول
.
من آغلورام بو حالوه دشمن گولور منه
سعد اوغلی ایمدی اولدی عجب کامیاب اوغول
.
اوغلانلارین سالوب یانینا فخر ایدور منه
بو فخری قلبیمه سالوری التهاب اوغول
.
گورمور منیم جوانیم ئولوب گوز یاشیم آخور
طعن ایلوری منه اولورام دل کباب اوغول
.
اوغلى ئولن آتایه هامی تسلیت وئرر
قویمازلا آغلاسون بودی رسم و حساب اوغول

متن پیشنهادی:  ویروب جهانه جلا گون کیمی جمال محمد #17ربیع_کریم_نصیری

دیل یاره سی ووروللا ولی شامیان منه
بحر ملاله قلبیم اولوبدور حباب اوغول
.
بیر حاله قالموشام اونی تقریر ایدنمرم
تحریره گلسه لازم اولار بیر کتاب اوغول

پیغمبریله ، باخمادیلار واردی نسبتین
هرگز نتیجه وئرمدی بو انتساب اوغول
.
شقّ القمر علامتی باشوندا گورسنور
بو یاره دن دوشور یادیما بوتراب اوغول
.
توپراقلاری یغوب باشوا بالش ائتموسن
نیزه قلج سنقلارینی رختخواب اوغول
.
نه دیزلریم گلور على جان نه دلیم دوتور
نه سسلورم گلور سسیمه بیر جواب اوغول
.
بو قدر شامیان ایده جور و جفا منه
منده بو صبری ایلموشم انتخاب اوغول
.
بو حاله من قالاندا نه حاله قالار آنان
گورسه دوتوب جمالوی قاندان حجاب اوغول
.
اون سگیز ایل اوغول بویودوب زحمتین چکوب
راحت ایدنمیوب، گجه لر بیرجه خواب اوغول
.
وار حقّى لیلی چوللره مجنون کیمی دوشه
اگنونده گورسه قرمزی قاندان ثیاب اوغول
.
دور وئر الون الیمه گیداخ منله خیمیه
آل عبا یول اوسته دوروب با شتاب اوغول
.
گوزلور یولون سکینه باجون خیمه گاهده
اشگیله گل جماله چکوبدور نقاب اوغول
.
ذکر مصیبت ایلسه هر کیمسه صدقیله
آغلار ستون بو حالتوه شیخ و شاب اوغول
.
سنده «رجائی» خدمت ایله اجرون اولسا آز
یولداشلاریله با هم ایله اعتصاب اوغول
.
.
#اکبریه_رجایی_تبریزی
#اکبریه_شهادت
#دور_ای_جمال_و_حسن_رخی_ماهتاب_اوغول
#ترکی
.
✍️ #زبدةالاشعار ✍️

متن پیشنهادی:  افسوس اجل يتوشدی خدا دل و دلداريم اولمادی #زینبیه_عدلی_تبریزی

🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی