زبدةالاشعار

دور ای قویان بو اوشاق باشیمی بلاده بابا

شام غریبان
☑️ سوال و جواب حضرت سکینه (س) با حضرت اباعبدالله الحسین (ع)
.
✍️زبدةالاشعار✍️

?: @nohe_torki
.
مرحوم قمری دربندی
.
◾️ حضرت سکینه سلام الله علیها ::
.
دور ای قویان بو اوشاق باشیمی بلاده بابا
فراقی محنتیمی ایلین زیاده بابا
.
حجاز شاهی ایدون تخت ناز عزتده
بو گون قوری یر اولوبدی سنه ساده بابا
.
بو قدر یاریه تاب ایلدی نجه بدنون
مروت هئچ یوخوموش قوم اشقیاده بابا
.
نچون بو نوع سنی دوغریوبلا خنجریلن
قویوبلا پیکر عریانیله آراده بابا
.
مگر ئولنده مسلمانی دفن قیلمازلار
قالور بو ایستی گون آلتیندا بد هواده بابا
.
ائدردی قوم منه خارجی اسیری خطاب
بو وقت اولونجا دیللردی شاهزاده بابا
.
ئورکده قالدی سوزوم شمردن گونوز قورخدوم
یوخودی ذره جه انصاف او بی حیاده بابا
.
قوجاقلیاندا سنی ووردی تازیانیلن
که قویمادی قوجاقیندا یتم مراده بابا
.
گجه قرانلوقیدی ایندی گلمیشم پنهان
سنونله بیر دانیشوم دردیمی خفاده بابا
.
او بی مروت اگر بولسه ایندیده قویماز
وورار گئنه قاباقوندا بو بینوانی بابا
.
نه قویماز آغلیوبان بیرجه قلبیمی سویودام
قویوبدولار منی بو درد بی دواده بابا
.
سنون عزیزیویدیم سنده سالموسان گوزدن
بو قوم الینده عجب قویموسان اراده بابا
.
همان سکینه ایدیم سینون اوسته بسلردون
دیوله شامه گرکدور گئدم پیاده بابا
.
داخی یقین ایلدیم سندن ایللر آیریسیام
یئر اولسا گیزلنوریدیم بو کربلاده بابا
.
نئجه گونوز یارالی سینون اوسته آغلاردیم
که تا ئولونجه یریم عالم بقاده بابا
.
.
ائدن زماندا سکینه بئله دیلیله سوال
گلیدی سس او بوغازون واریدی جای مقال
.
.
.
☑️ جواب حضرت اباعبدالله الحسین علیه السلام
.
.
بو قدر توکمه گوزون یاشینی عذراه قیزیم
یارالی جانیمه وورما داخی شراره قیزیم
.
سسون اوجالتما بالام شمر بی حیا ائشیدَر
گلوب گئنه سنی چوخ اینجیدر دوباره قیزیم
.
امان یتیم بالام گئت بیبوندن آیریلما
اسیرسن سنی قویمازلا بیر کناره قیزیم
.
بلی وورالا آتاسیز قالان یتیم لری
بلا و محنته صبر ایله یوخدی چاره قیزیم
.
چوخ آغلاما سنی زینب بیبون قویوب گئتمز
آلوب قوجاقینه ساخلار او بخت قاره قیزیم
.
غمونده قبریده دائم سوموکلریم آغلار
اگر بو چولده منی قویسالار مزاره قیزیم
.

متن پیشنهادی:  ییخیلیب دینین ائوی رحلت ائدیب ختم رسل #پیامبراسلام_شهریار

#شام_غریبان
#دور_ای_قویان_بو_اوشاق_باشیمی_بلاده_بابا
#قمری
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی