زبانحال حضرت زینب (س) در اربعین
سر قبر برادر
.
✍️ #زبدةالاشعار ✍️
.
🆔: @nohe_torki
.
مرحوم کهنموئی
.
دور حسینیم درس عشقی گور نه تحصیل ایلدیم
دورۀ تحصیلیمی قرخ گونده تکمیل ایلدیم
.
.
بو سوزی فرمایش ائتمیشدی آنام زهرا ازل
امر و نهی دین اسلامه قزیم ایله عمل
دین امانتدور گرک دائم دولانسون ال به ال
منده بو فرمانین اجراسینده تعجیل ایلدیم
.
.
اوندا که گمره لری مسجدده ارشاد ایلدی
جدّوون خدمتلرین اسلامده یاد ایلدی
حقّینون اثباتینه بیر خطبه ایراد ایلدی
من بو سرمشقی آلوب هر یرده تمثیل ایلدیم
.
.
سنده وئردون آیریلاندا خیمه دن سرمشقیمی
نقش دل ائتدی او کهنه پیرهن سرمشقیمی
نشر ایدردیم بو سفرده خلقه من سرمشقیمی
حق یولون حق ایستین اشخاصه تسهیل ایلدیم
.
.
خلقه آندیردوم جماعت یاتمیون بیدار اولون
گیمیون ذلّت لباسین اگنوزه هشیار اولون
تابع ظلم اولمیون عالمده مرد کار اولون
ظالمه آیات ظلم و جوری ترتیل ایلدیم
.
.
کوفیه وارد اولاندا ائتدیلر چوخ ازدحام
گلدیلر آل رسوله پیشوازه خاص و عام
خطبه ایراد ائتماقا گوردوم مناسبدور مقام
کوفه نین اوضاعینی بیر آندا تبدیل ایلدیم
.
.
های هائیله هامو سس چکدیلر آغلاشدیلار
جوش ایدوب گوز یاشلاری گوز کاسه سینده داشدیلار
عُقدۀ بغضِ ولیّ اللهی دلدن آشدیلار
گوردولر کابینۀ اشراری تعطیل ایلدیم
.
.
سعدین اوغلی آنلادی آندیردیم اصل مطلبی
کوفه نین شهرینده آچدیم بیر حسینی مکتبی
سویلدی وار کیمده قدرت ساکت ائتسون زینبی
من سقوط دولته بو امری تأویل ایلدیم
.
.
بولدولر باعثدی هجران سوز و ساز زینبه
مهر و رأفتدور سبب راز و نیاز زینبه
قانلو باشون گتدی دشمن پیشواز زینبه
من سنه رنج فراقی شرح و تفصیل ایلدیم
.
.
مجلس ابن زیاده چکدیلر قولدا طناب
سعی ایدردیم گورمیه تا ائتمیه بیجا خطاب
اوندا کی ائتدی شماتت چوخ دانشدی بی حساب
نطقه گلدیم دادگاه عالی تشکیل ایلدیم
.
.
من دیدیم فخر ائتمه که زینب اسیروندور سنون
آل پیغمبر بو گونده دستگیروندور سنون
فسق و کذبه منتسب سنسن امیروندور سنون
جدّیمون حقّینده ذکر نصّ تنزیل ایلدیم
.
.
ایلدیم رسوا یزید بی حیانی شامده
مفتضح ائتدیم او گون سفیانیانی شامده
کشف اولوب شام اهلینه سرّ نهانی شامده
غصب حقّ مرتضانی جرح و تعدیل ایلدیم
.
.
آخموری اشگ تریم رخساره قارداش بی سبب
شامده ویرانه ده ئولدی رقیّه نصف شب
جان وئروب توپراقلار اوسته چکدی چوخ رنج و تعب
گور نه نوعی امر تشییعینده تجلیل ایلدیم
.
.
گرچه مشکلدور جهاندا گل فراقی بلبله
سویلدیم اهل حرم یردن او نعشی گوتدوله
سپدیلر گوز یاشلارین شبنم کیمی سولموش گله
اشکیله گرد و غبارین منده تغسیل ایلدیم
.
.
« کهنموئی » ائتمه غفلت دین ده تحصیلاتدن
حق دانیش حق یاز بیر آن آل چکمه تبلیغاتدن
دین یولوندا اینجیمه هر گونه تحمیلاتدن
نفسیمه دین اوسته من هر ظلمی تحمیل ایلدیم
.
.
.
.
.
#اربعین_کهنمویی
#دور_حسینیم_درس_عشقی_گور_نه_تحصیل_ایلدیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید