کوچ از قتلگاه زبانحال حضرت زینب (س)
.
✍️ #زبدةالاشعار ✍️
.
🆔: @nohe_torki
.
محسن محمدی هشترودی (ناطق)
.
دور شامه گیدور عترتون الآن آنام اوغلی
زینب باجون اولسون سنه قربان آنام اوغلی
.
.
بی رحم جماعت سیزی بو حاله سالوبدور
باش سیز بدنون قوملارون اوستونده قالوبدور
بو یاتماقون آراملری الدن آلوبدور
آغلور سنه اولاد پریشان آنام اوغلی
.
.
سن کعبة عشّاقیده مقصوده چاتوبسان
اولادینی هم فاطمه نون گوزدن آتوبسان
خون دله گوز یاشوی بو چولده قاتوبسان
دشمنلر ائدوب جسموی شان شان آنام اوغلی
.
.
ظلمیله سولوب گلشن دین قانلو دمنده
ایوای منه باشون گورورم یوخدی بدنده
دیزلرده توان قالمادی بو حالی گورنده
باش سیز بدنون یئرده دور عریان آنام اوغلی
.
.
لب تشنه جگر داغلی حسین مقصده چاتدون
دنیا بویی دین پرچمین عالمده اوجاتدون
زینب باجیوی لیک بو صحراده قوجاتدون
تاپدون ولی سن رتبة رجحان آنام اوغلی
.
.
سندن صورا اود ووردیلار اخیامه حسینیم
دوندی گونوزوم لحظه لری شامه حسینیم
دوزدوم ائله که محنت ایّامه حسینیم
بیر ذرّه منه اولمادی امکان آنام اوغلی
.
.
تاراج اولونان گلشن و گلزاروه قربان
توپراقلارین اوسته توکولن ثاروه قربان
حرّیّتیوه قولسوز علمداروه قربان
سن سیز گئدورم حالی پریشان آنام اوغلی
.
.
یاندیرما منی داش یاراسین تاج ائدن عاشق
دین عشقینه اولادینی محتاج ائدن عاشق
بستر یئرینه توپراقی دیباج ائدن عاشق
البتده اولار سخت بو هجران آنام اوغلی
.
.
قارداش دئمیرم زولفی پریشانلاری دیندیر
یا که باجووی عزّتیلن ناقیه میندیر
احسان ائله بو خیردا قیزی باری سؤیندیر
واضح گوره جاق ظلم فراوان آنام اوغلی
.
.
شاماته طرف اولموشام عازیم گئدورم من
زهرا بالاسی محرم رازیم گئدورم من
یوللاردا سنه واردی نیازیم گئدورم من
واقف سن ئوزون حجّت منّان آنام اوغلی
.
.
زهرا قیزی باش سیز بدنون حنجرین ئوپدی
توپراقلارین اوسته کسیلن اللرین ئوپدی
گل تک داغلان « ناطقی» اعضالرین ئوپدی
عرض ائتدی باجون نعشوه قربان آنام اوغلی
.
.
#کوچ_کربلا #محمدی_ناطق
#دور_شامه_گیدور_عترتون_الآن_آنام_اوغلی
#ترکی
.
✍️ #زبدةالاشعار ✍️
.
🆔: @nohe_torki
نظر دهید