دوز عاشق اولسان اگر روزگاره باخمازسان

پندیات
.
✍️ زبدة الاشعار ✍️
.
🆔: @nohe_torki
.
الماسی اهری
.
دوز عاشق اولسان اگر روزگاره باخمازسان
نگاره چاتماغا هر شاهواره باخمازسان
.
همیشه عشقیوه دوز عاشق اولسان عالمده
طریق عشقیده آیری نگاره باخمازسان
.
گول عطرین آلماق اگر ایستسون گلستاندا
گول اوستونه اوتوران هر غباره باخمازسان
.
آماندی سعی ائلمه کبره دستگیر اولاسان
منیّتون اگر اولسا عیاره باخمازسان
.
کیم عاشق اولسا اگر ادعای عشق اِلمز
وگرنه رافت حیّ تباره باخمازسان
.
غم فراقیده گر گوزلرین قان آغلاماسا
عذاب و رنج و غم انتظاره باخمازسان
.
ئولونجه گیمه گیلن جامه های تزویری
مزوّر اولسان اگر همجواره باخمازسان
.
مسیر کوی نگاری بهانه سیز گتسن
سنی اگر چکلر مین حصاره باخمازسان
.
همیشه رافتیلن خلقی میزبانی ائله
عطوفت اولماسا گر بی قراره باخمازسان
.
گرکدی هر عملین صادقانه گورسنسین
ریاسیز اولسان اگر نامداره باخمازسان
.
حسینه عاشق اولان حقّی پایمال ائلمز
حقیقت اولماسا گر ریزه خواره باخمازسان
.
مقامه چاتدون اگر دار پوچ و فانیده
دوز عاشق اولسان اگر خوش مداره باخمازسان
.
علی عدالتینه پایبند اگر اولسان
باشیندا گتسه اگر رشوه خواره باخمازسان
.
ولایی اولسان اگر حقّه پافشاری ائله
بصیرتون اگر اولسا شعاره باخمازسان
.
علی روایتیدور مستمنده خدمت ائله
آج اولماسان بیلورم غصه داره باخمازسان
.
مقام و پُست ریا انسانین حیاسین آلار
حیاسیز اولسان اگر کردگاره باخمازسان
.
دوز اولسا گر عملین هر زمان شکوفه لیسن
پاییزدادا گول آچارسان بهاره باخمازسان
.
بیر آللاها باشیوی اَیسَن ، آری الماسی
امید گوزیله بوخلقه دوباره باخمازسان
.
#پندیات
#دوز_عاشق_اولسان_اگر_روزگاره_باخمازسان
#الماسی_اهری
#ترکی
.
✍️ #زبدةالاشعار ✍️
.
🆔: @nohe_torki