زبدةالاشعار

دوشموشم شهرلره؛ نام و نشان آختاریرام #نادری

یادی از شعرای اهل بیت عصمت و طهارت علیهم السلام
.
✍️ زبدة الاشعار ✍️

?: @nohe_torki
.
مرحوم قدرت اله نادری میانجی
.
دوشموشم شهرلره؛ نام و نشان آختاریرام
صاحب علم و هنر؛ نطق و بیان آختاریرام
.
قهرمانلار اوجاقی؛ یعنی دومانلی تبریز
( شهریار ) شعرا ؛ اوردا گمان آختاریرام
.
شهر شیراز اوزاقدور ؛ گیدرم تبریزه من
صاحب شعر و ادب ( سعد زمان ) آختاریرام
.
( حافظی – ذوقی ) کیمی عاشقِ اولاد رسول
( کهنمویی ) کیمی بیر طبعی روان آختاریرام
.
شیخ صفی یوردی اولان ؛ اردبیله دوشسه یولوم
اوردا من ( یحیوی ) تک پیر مغان آختاریرام
.
( منزوی ) تک هانی شیرین سخن و نظم سرا
( انوری ) تک یارادان ؛ جسمده جان آختاریرام
.
( منعم ) و ( ناصر ) و ( حیرانی )؛ و ( معمار ) سخن
بلبل باغ حسین؛ سوز یارادان آختاریرام
.
شهر تاریخی مراغه یولون اوستونده قالوب
من ( کریمی ) کیمی بیر شیر ژیان آختاریرام
.
من سراب عارفی ( واقف ) که سوروشدوم دیدیلر:
ایسته سون واقفی گر ؛ سویله جنان آختاریرام
.
گر یولوم دوشسه منیم؛ بیرده او مشکین شهره
اوردا بیر شاعره وار؛ اوندان ( امان ) آختاریرام
.
مَسقَط الرَّاسِ میانه آقا ( سید صمدی )
یورولوب ( قافلۀ غمده ) قالان آختاریرام
.
( محتشم ) خطۀ زنجاندا ایدوب حشر به پا
حشمت و جاه وجلال؛ اوندا عیان آختاریرام
.
نکته سنج و ادبی ( فکری ) کیمی نسل جوان
لحنی داوودی اولان ؛ روحی جوان آختاریرام
.
هاردا بیر شاعر اولا ؛ ناشر افکارِ حسین
عاشق صحبتی یَم؛ سینه زنان آختاریرام
.
صدق قلبیله وورا؛ کیمسه بو میداندا قدم
شأنی وار ؛رتبه سی وار ؛ اوردا مکان آختاریرام
.
( نادری ) نام حسین؛ عرش خدا زینتیدور
بو سوزی صفحۀ تاریخه؛ یازان آختاریرام
.
.
#معرفی_شعرا #شاعر
#دوشموشم_شهرلره_نام_و_نشان_آختاریرام
#نادری
#ترکی
.
✍️ زبدة الاشعار ✍️

متن پیشنهادی:  اجازه ویر دیوم هجرونده باغری قان اولالی #اربعین_فغانی_تبریزی

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی