استغاثه به محضر امام زمان در ایام فاطمیه
.
✍️ #زبدةالاشعار ✍️
.
🆔: @nohe_torki
.
#سبک_نوبت_محرم_شد ( کویتی پور)
.
احسان تبریزی
.
دوشموشوق یامان درده،عالمی دوتوب یکسر
بیر بلای جان فرسا، گل هرایه یا مهدی
بیر عنایت ائت اولسون، عالمی رها غمدن
دیللره دوشوب بلوا، گل هرایه یا مهدی
گل هرایه یا مهدی …
بیر ایل اولدی یا مولا، دیللری دوتوب محنت
باغلانوبدی چوخ هیئت، حالیمیز پریشاندی
سن به خاطر زهرا، چاره ایله بو درده
تنگه گلمیشوق والله، سینه لر الولاندی
فاطمیه ایامی، باشلانور بو ایراندا
شیعه دیده گریاندی، نی مثالی نالاندی
غملیوق دیل افکاروق، نوکران درباروق
قویما سن بیزی تنها ، گل هرایه یا مهدی
گل هرایه یا مهدی …
باخ حرملره مولا، بوش قالوبدی عاشقلر
گلمیر احتیاط ایلیر، یوخ النده چون چاره
شیعه کربلا ایستر، مشهد الرضا ایستر
یوخ دوزوم عنایت قیل، قالدی شیعه آواره
ایستیور حرملرده، شور وشوق احساسی
انتظاریدور حتماً، اشتیاق زوارّه
باشلانور آنان یاسی، شیعه نین وار احساسی
سن بیل اوز آنان زهرا ، گل هرایه یا مهدی
گل هرایه یا مهدی …
بیر غریبه دوراندی، دهر نابساماندی
ایلسین بیزی آزاد، کیمدی کی بو بحراندان
غرق بحر محنت دیر، چاره سیزدی انسانلار
هارداسان گل ای منجی، چک کناره طوفاندان
ای امام انس وجان، جانیمیز سنه قربان
کسمه لطفووی بیر دم، پیروان قرآندان
باش آغاردی حسرتدن، انتظار و فرقتدن
ای گل جهان آرا، گل هرایه یا مهدی
گل هرایه یا مهدی …
.
.
#مهدیه_علیرضا_عباسی
#مهدیه_فاطمیه
#فاطمیه
#دوشموشوق_یامان_درده_عالمی_دوتوب_یکسر
#ترکی
.
✍️ #زبدةالاشعار ✍️
.
🆔: @nohe_torki
نظر دهید