در مدح و مصائب حضرت زهرا سلام الله علیها
#گریز به #قتلگاه
.
✍️ زبدة الاشعار ✍️
.
🆔: @nohe_torki
.
مرحوم #صافی_تبریزی
.
دوشنده ظاهراً شان و جلالون یاده یازهرا
گوگل مبهوت اولور بو خلقته معناده یازهرا
.
نه عصمتده نه عفّتده نه عزّتده نه شوکتده
گلوب مثلون سنون بو صفحه ایجاده یازهرا
.
سنیله بیر بیر اصحاب کسانی خالق سبحان
تانیتدی جبرئیله عالم بالاده یازهرا
.
کمینه بیر کنیز اولسا سزادور هاجر و حوا
یقین واردور بو حسرت مریم و ساراده یازهرا
.
بشر فرض ایلسم عین خطادور، نور وحدت سن
گوروب کیم بیر بشر بو صورت و سیماده یازهرا
.
سنون تک بیر بلاکش گورمیوبدور دیده ی عالم
گوروب بیر تک سنی بو دامن غبراده یازهرا
.
او گوندن کیم قدم قویدون جهانه گورمدون خوشگون
ملال و غصّه چکدون دائماً دنیاده یازهرا
.
اولوب اون سگّیز ائیل عمرون سنون بو دار دنیاده
باشا ویردون بو عمری یثرب و بطحاده یازهرا
.
آتان پیغمبر رحمت ائیوینده دوقّوز ائیل قالدون
ازلدن اولدون هر بیر محنته آماده یازهرا
.
گلوب دوقوز ایلینده خاندان بو تراب ایچره
گیچیتدون سن همان ایامی سالام یاده یازهرا
.
گئجه گوندوز قالاردون آج گتورمزدون یوزه هرگز
گزردون شاد و خندان خرم و آزاده یا زهرا
.
عم اوغلون راضی اولمازدون سنون دردونله غملنسون
گورنمزدون غم اولسون خاطر مولاده یازهرا
.
او قدری باشداکی چادر شبه، وصله وئرمشدون
که اسباب غم اولموش جمله اوتاده یازهرا
.
گییردون کهنه جامه ، ایلمزدون زیور و زینت
شرافت گورمدون سن جامه دیباده یازهرا
.
پیمبردن صورا قویموب عدو اوچ گون سنه حرمت
قاپون یاندی، جلال و جاه گیتدی باده یازهرا
.
گوگردی قولارون ، سیندی قابورقان جور اعدادن
نولوب بطنونده کی سقط اولدی بو اثناده یازهرا
.
عم اوغلون چکدیلر قولاری باغلی مسجده امّت
دئیوب یانّام او ظلمه رحمسیز دنیاده یازهرا
.
اوزون غش ایلمشدون هوشه گلدون آغلادون یاندون
گیدردون وقریله سن مسجده امداده یازهرا
.
گوروب بو حالی فضّه دوردی گلدی ایلدی نصرت
سنه همدرد اولوب بو محنت عظماده یازهرا
.
گلیدون کربلایه روز عاشورا گوریدون سن
نئجه زینب گزردی هولیله صحراده یازهرا
.
گیدوب گه قتلگاهه مهربان قارداش باشی اوسته
بدن لرزان، همی خیزان همی افتاده یازهرا
.
گلور گه خیمه گاهه باش چکور باشسیزلارا دورمور
گیدور عجز ایلیور رحم ائتمین جلاده یا زهرا
.
نقدری یالوارور اول سنگدل شمره اثر ائتمور
بیله دلخستیه یوخ صخرۀ شماده یا زهرا
.
گوروب رحم ایلمور جلاد خنجردن دوتور قویمور
واریدی بو کشاکش اول صف هیجاده یا زهرا
.
او گون بیر جانفشانلوق گورسدوب صدیقۀ صغری
قیزون محبوبۀ غم زینب کبراده یا زهرا
.
کسیلدی نسلی شمرون کسدی قربان ره عشقون
باشین لب تشنه آخرده لب دریاده یا زهرا
.
یازیلمش بیر نفر سید ائیوینده بو کتاب غم
یازان «صافی» دئیر آغلار گلور فریاده یازهرا
.
آدی یوسف، هامی اخلاقی احسن، حسن یوسف تک
ویروبلر نسبتین سندن اولان اولاده یازهرا
.
سنی اوغلون حسینون جانی لطف ایله شفاعت قیل
منه هم حاضرینه هم اونا عقباده یازهرا
.
.
#فاطمیه_شهادت
#دوشنده_ظاهرا_شان_و_جلالون_یاده_یازهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید