مدح و میلادیه حضرت زهرا سلام الله علیها
.
.
.
مرحوم احمد رمضانی ( دلکش زنجانی )
.
دوشنده یادیمه نام گرامی زهرا
بو مرده قلبمی زهرا آدی ائدر احیا
.
فدا اولوم سنه من بیلمورم آدوندا نه وار
اولاندا ذکر گئدر اختیاریدن حضّار
.
حضور حقده بو آد بسکه با شرافت دور
تمام عصریده امّیدگاه امّتدور
.
توسل ایلیه هر کیم بتول عذرایه
یتر مرادینه آند اولسون عرش اعلایه
.
بو بیر خانمدی بونون یوخدی مثلی عالمده
گل شکفته دی باغ رسول اکرمده
.
جلال و شأنیده تکدی ز بس بو مه سیما
اولوبدی خادمه حوّا و مریم و سارا
.
بو بانوی دو سرادندی یازده حجت
اودور که امّ الائمّه آدی تاپوب شهرت
.
بونون محدثه آدلانماقوندا وار حکمت
جهانه گلممش ایلوب آناسینا صحبت
.
گر اولماسیدی وجود شفیعهٔ عرصات
تمام عالمی چولقاردی کفریله ظلمات
.
اراده ایلدی ئوز نورین ایلیه تابان
یاراتدی دختر پیغمبری خدای جهان
.
اگرچه بو خانمون هرزماندا شوکتی وار
ولی تولّدنون آیری بیر جلالتی وار
.
تفاخر ایلدی دنیا بهشت اعلایه
اودم که حضرت صدیقه گلدی دنیایه
.
ائدنده طلعت رخسار فاطمیّه ظهور
منور ایلدی ارض و سمانی لمعهٔ نور
.
گلن کیم عرصهٔ ایجاده حضرت زهرا
مجسم اولدی نظرده صفات ذات خدا
.
فصیح صوتیله بنت رسول عالی جاه
بویوردی اشهد انْ لا اله الّا الله
.
فدا اولاق او مقدس لسانه یازهرا
موحّد اولماقی گتدون بیانه یازهرا
.
سنی قسم وئریروق مرتضی ولایتینه
سنی قسم وئریروق مصطفی نبوتینه
.
گناهکار گوروب گوزدن آتما شیعه لری
قیامتین گونی یاددان چیخاتما شیعه لری
.
اگرچه بیز گنه بی نهایت ایلمیشوق
ولی جنابیوه دلدن محبت ایلمیشوق
.
علی الخصوص حسینون عزا گونونده مدام
قرا گئیوب ائدروق ناله هر صباحیله شام
.
همیشه عرض ائلروق گللری سولان آقاوای
وجودی تیرجفایه نشان اولان آقا وای
.
شرار محنتیله قلبی اودلانان آقا وای
علیّ اصغری لب تشنه اوخلانان آقا وای
.
یتور تمامه داخی «دلکش» غمین و ملول
جزا گونی ویرر اجرون عزیز ختم رسول
.
.
#فاطمیه_مدح
#فاطمیه_میلادیه
#دوشنده_یادیمه_نام_گرامی_زهرا
#دلکش_زنجانی
#ترکی
.
.
نظر دهید