دوشوبدی سایۀ ماتم بو دودمانه آنا #فاطمیه_مهناز_دهقان

زبانحال حضرت زینب (س) در شهادت مادر
.
✍️ #زبدةالاشعار ✍️
.
🆔: @nohe_torki
.
#مهناز_دهقان ( یاسلی )
.
دوشوبدی سایۀ ماتم بو دودمانه آنا
گئدَن دن اولدی قزون غملره نشانه آنا
.
بابام علی اورگین داغلادون آتوب گِئتدون
قوجاتدی سن سیز اونی بی وفا زمانه آنا
.
واریمدی بِش یاشیم اما غمین قوجاتدی منی
گتیردی هجرتین آخر منی فغانه آنا
.
یانان قاپیله یانوب شعله چکدی بو اورَگیم
بابام اوچون ولی هیچ سالمادیم عیانه آنا
.
نه حالیله کی آییردیم حسینی من سندَن
بقیعَه اِئتدیم ئوزوم تابوتون روانه آنا
.
آپاردی طبق وصیت بابام سنی من سیز
بو ائِوده توتدوخ عزا بیز سنه شبانه آنا
.
سنین تایین یوخودی گل کیمین نه تِز سولدون
بهار عمریوی دوندردیلر خزانه آنا
.
بابام علی دولانیر شهریده غریبه کیمین
دوتولّا چوخلی حسین و حسن بهانه آنا
.
سنین غمین چتین اولدی بوکوب علی بِلینی
گتیردی شاه عرب،مرتضانی جانه آنا
.
گلین کیمین دولانیر تای توشون چوخ ائِولر ده
جوان لیقیندا وجودین بویاندی قانه آنا
.
یازوبدی #یاسلی منیم دردیمی عزا گونومه
شفاعت ایستیوری سندن عاجزانه آنا
.
#فاطمیه_شهادت
#دوشوبدی_سایۀ_ماتم_بو_دودمانه_آنا
#ترکی
.
✍️ #زبدةالاشعار ✍️
.
🆔: @nohe_torki