راه شام
.
✍️ زبدة الاشعار ✍️
.
?: @nohe_torki
.
مرحوم لعلی تبریزی
.
دوشوب زمانه ده قارداش نه چوخ بلایه باشون
جدا بدندن ایدوب ووردولار جدایه باشون
دل ویروب قضایه باشون
دوزدی هر جفایه باشون
.
.
ازل گونی باشون اولموشدی همدم خنجر
کَسوب علاقه سین اولدی جدائیله همسر
جدادن اینجیدی یاتدی کُل اوسته، ایمدی گیدر
که خیزران سالا بیر اوزگه ماجرایه باشون
.
.
بلای دشمنه باشون عجب مسلّمدور
همیشه درد و بلا چَکماقا مصمّمدور
باشوندا شور سنون بُلمورم نه عالمدور
رضا ویروب مگر عالمده هر بلایه باشون
.
.
قویاندا سجدیه باش اوّل شهادتده
شهادت ایلدی جاری باشون او حالتده
تمام عضو قالوب سجده گاه طاعتده
اوجالدی کلمه ی تکبیریله جدایه باشون
.
.
ویرور بو شام یولی باشوا نه چوخ زحمت
گورر نه کُولگَه نه بیر سایبان، چکوب ذلّت
تنور ایچینده اولوب گرچه بیر گئجه راحت
تنوریدن بویانا گورمیوبدی سایه باشون
.
.
آلوب سراغ مگر بارگاه وحدتدن
اولوبدی گون کیمی عریان لباس کثرتدن
توکوب گیچوب هامی اعضاسینی محبّتدن
که بلکه تیز یِتیشه بزم کبرایه باشون
.
.
ورق ورق داغیدوب اهل بیتیوی دونان
دوباره ایتدیله شیرازه بند چون قرآن
جدا باشندا باخور بیر به بیر بیزه حیران
ایدر تلاوت قرآن آیه آیه باشون
.
.
پوزولدی سلسله، اولدوم اسیر سلسله من
یولوندا هر نه بلا چَکسَم ایتمرم گِله من
گَلم روادی بو دردیله نی کیمی دله من
منیله تا ویره قارداش صدا صدایه باشون
.
.
باشیمه جمع قیلوب بیر بولوک عزاداری
اَیاق یالین گَزرم جمله شهر و بازاری
یتیم اوشاقلاریوین اولموشام پرستاری
نه عرض ایدوم، باخور آخِر بو ماجرایه باشون
.
.
چوخ اینجیدوب باشیوی شمر، قالمیوب جانی
ووروبدی نیزه سینه گُزدیروبدی هر یانی
یقین باشون کَسیلَنده گیدوبدی چوخ قانی
که ضعفیدن دایانوب نیزه ده عصایه باشون
.
.
اوزوم اسیر و غریبم، گوگل مکدّردور
سنق کجاوه یریم، منزلیم محقّردور
یتیملر غمی هر دردیله برابردور
ندندی باخموری قارداش بو بینوایه باشون
.
.
عزا گونینده بو «لعلی» چکر همیشه فغان
حسین آدین اوزینه ایلیوبدی ورد زبان
بو قانلی باشیوه من یا حسین اولوم قربان
عزا دوتاندا گَلور مجلس عزایه باشون
.
.
.
#راه_شام
#دوشوب_زمانه_ده_قارداش_نه_چوخ_بلایه_باشون
#لعلی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید