در مصیبت قتیل اول حضرت علی اکبر (ع)
.
✍️ #زبدةالاشعار ✍️
🆔: @nohe_torki
.
#سبک_ای_باد_صبا … 7 سبک
.
با صدای مرحوم #منصوری اردبیلی
.
مرحوم انور اردبیلی
.
دوغراندی بالام تاپدی ایشیم خاتمه زینب
دعوت ایله اهل حرمی ماتمه زینب
.
.
سعد اوغلی حسینی نجه گور قویدی معطل
باش آچماقا یاس دوتماقا اول سن ئوزون گل
آچ قانلی عبانی ایکیمیز آغلیاق اول
نورسته جوان ئولدی قوجالمیش آتا قالدى
یومدى گوزینی گوزلریمون نورینی آلدى
.
.
چالدی ال ایاق جان یتیشوب قانلی دوداقه
منکه باشی اوستن دورا بیلموردوم ایاقه
ئولدی بالام عباس عموسی آلدی قوجاقه
حسرتله گوزوم قالب بیجانه باخوردی
تپراقه عبادن توکولن قانه باخوردی
.
.
قربان کسیلر یوخدی سوزوم کوه مناده
بو قدری جراحت گورونوب هانسی فداده
آز پارہ سی اولسیدی گتورمزدوم عباده
چوخدور یاراسی هیچ بیرینون چاره سی یوخدی
باشینده اولان یاره سی تک یاره سی یوخدی
.
.
بو غملی خبر خیمه ده هر کیمسیه چاتدی
پیشوازه چخوب اشکینی خون دله قاتدی
هر کس یتیشوب قانلی عبایه الین آتدی
ایوای علی اکبر سسی افلاکه دایاندی
تز هوشه گلوب غش ایلین قزلار اویاندی
.
.
گللر او پریشان چمنه سولماقا گلدی
اول قانلی اورکلر گنه قان اولماقا گلدی
سو فکرینی آتدی هامی باش بولماقا گلدی
گوز مشکینی خونابیله دولدوردی سوسوزلار
آز قالدى مصیبتدین ئوزون ئولدوره قزلار
.
.
بعضی سی او قانیله دولان گوزلرین اوپدی
بعضی سی دئدی جان یارالی پیکرین اوپدی
بیر خورداجا قز دوردی اونون اللرین اوپدی
گوز یاشلو ارون فعلینه رفتارینه باخدی
قانین گوتوروب عمه سی تک زلفینه یاخدی
.
.
اگلشمیشیدی عورت اوشاق قلب شکسته
عباسیله دورموشدی جوانلار ایاق اوسته
اوخشاردی او نورسته گلی هر ایکی دسته
بیر دسته ایاق اوسته دیوردی علی ایوای
فوراً اوتورانلاردا دیوردی اونا لای لای
.
چوخ شدتیله آغلادی عباس وفادار
گویا دیله گلدی ایلدی بو سوزی اظهار
آلماقه سنون قانوی شمشیریم الیم وار
بو عشقدیم دردوه درمانون اولیدوم
قارداشلاریمیلا علی قربانون اولیدوم
.
.
قاسمده دیله گلدی آخان گوز یاشی یوزده
آیریلماقون امکانی یوخیدی دیدی بیزده
بیز باهم اولیدوق گرک ایندی ایکیمیزده
سن سیز منیم عالمده على همدمیم اولماز
اما سنیله یان یانا یاتسام غمیم اولماز
.
.
بیر بیر دیدیلر اوخشاما غم جامی بوشالدى
لیلا گله بیلموردی اونون نوبه سی قالدى
نسوان ستم دیده گیدوب دوره سین آلدى
بیلدی جریانی آلشوب آتش غمدن
اوّل هوروگون آچدی صورا چخدی خیمدن
.
.
هر بیر آنادان حالتی پوزقون گورونوردی
آتدوقجا قدم گرد عزایه بورونوردی
گاهی یخلوب گاهی دوروب که سورونوردی
توکسیدی یوزه خون جگر حقی واریدی
ئولسیدی یول اوستونده اگر حقی واریدی
.
.
چوخ زحمتیله دایرۀ ماتمه یتدی
اگلشدی ایاق سمتیده خوش زمزمه ائتدی
بو قانلی عبادی دیدی اکبر هارا گئتدی
سیز قانلی نقابین آچون اوزدن یانورام من
چون بسلدیگیم اکبریم اولسا تانو رام من
.
.
یوزدن که عبانی بی بی سی چکدی کناره
لیلانون آلوب طاقتینی باشداکی یاره
ئولّم دیدی بو باشه گوزوم دوشسه دوباره
ئولدون بالا اما آنون ئولسیدی خوشیدی
شمشیر منیم قلبیمی بولسیدی خوشیدی
.
.
ایوای الیمدن یاپوشان دادرسیم وای
ایوای اورگیم میوه سی عشقیم هوسیم وای
ایوای گوزل یوسفیم عیسی نفسیم وای
ایوای قیامینده صنوبر روشیم وای
ایوای خرامینده پیمبر یریشیم وای
.
.
افسوس نمای رخ پیغمبره افسوس
افسوس بو گل تک داغیلان پیکره افسوس
افسوس بو قانیله دولان گوزلره افسوس
افسوس او گوزل نطقه گوزل صحبته افسوس
اون سگیز ایلی لیلی چکن زحمته افسوس
.
#اکبریه_شهادت
#دوغراندی_بالام_تاپدی_ایشیم_خاتمه_زینب
#یادگار_انور
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید