زبدةالاشعار

دولدی سقّا گوزینه جنگیده القان علنی #عباسیه_شایق_اردبیلی

شهادت حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم شایق اردبیلی
.
دولدی سقّا گوزینه جنگیده القان علنی
نه ساقندان گلنی گوردی نه صولدان گلنی
.
.
یاره سی آرتدوقجان فوق تر اولدی عطشی
دگدی اوخ آلننا گورسندی ئولوم کشمکشی
راوی سویلر او جوان علوی و قرشی
نه ساقندان گلنی گوردی نه صولدان گلنی
.
.
دولمامیشدی نقدر قان گوزینه خوشتریدی
چکمه نون نوکی رکاب اوسته اونا خنجریدی
بیر زمان عرصۀ میداندا برهنه سریدی
نه ساقندان گلنی گوردی نه صولدان گلنی
.
.
آپارا بیلمدى سو خیمیه حیدر بالاسی
قولسوز حالینده علم سینه ده ئولسون آناسی
وردی بیر ظالم بی رحم اونا دل یاراسی
نه ساقندان گلنی گوردی نه صولدان گلنی
.
ای دلیم لال اولاسان ایتمه بو احوالی نوشت
مُنخسف اولدی قمر گیدی قرا اهل بهشت
اوستونه دشمن ایاق گوتدی او پاکیزه سرشت
نه ساقندان گلنی گوردی نه صولدان گلنی
.
.
فاطمه گلدی باشی اوسته دیدی جان بالا جان
گل منیم سینۀ سوزانیمه ای روح روان
یوزون آق اولسون اوغول اولدی گوزون کاسۀ قان
نه ساقندان گلنی گوردی نه صولدان گلنی
.
.
ایشیدوب بوسوزی عباس توکوب گوز یاشینی
شاد اولوب سسلدی امدادہ سوسوز قارداشینی
پیش کش ائتدی قباقینه یارالی باشینی
نه ساقندان گلنی گوردی نه صولدان گلنی
.
.
شه گلوب تاپدی وزیرین ایلدی شیون و شور
یتیشوب بیر بیرینه شمس و قمر لمعۀ نور
آلدى آغوشه باشین گوردی او سردار غیور
نه ساقندان گلنی گوردی نه صولدان گلنی
.
.
ایستدی حمل قیلا قارداشینی خیمه لره
قوزانوب دورماقا بئل گلمدی اگلشدی یره
بئلینه قویدى الین سؤیلدی ظهراً کسره
نه ساقندان گلنی گوردی نه صولدان گلنی
.
بارالها به حق پنج تن آلعبا
شایقی ایتگله زوّار شه کرب و بلا
دئسون عباس رواقینده بو شمع شهدا
نه ساقندان گلنی گوردی نه صولدان گلنی
.
.
.

متن پیشنهادی:  خوش آن مهی که دمیده ست در مه برکات #حسنیه_حضرتی_ناعمی

.
#عباسیه_شایق_اردبیلی
#عباسیه_شهادت
#دولدی_سقا_گوزینه_جنگیده_القان_علنی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی