#پیام_نهضت_کربلا
.
✍️ #زبدةالاشعار ✍️
.
🆔: @nohe_torki
.
مرحوم سید حسین کهنموئی(ریاضی تبریزی)
.
دوندردی حسین گردش دنیانی بو گونده
تفسیر ایلیوب عالمه قرآنی بو گونده
.
.
جانویردی سوسوز خلقه تانیتدیردی خدانی
بذل ایله دی یتمیش ایکی قربانی بو گونده
.
.
دنیاده یزید ایلدی بو مطلبی عنوان
مجموعۀ اسلامه منم حاکم و سلطان
محکومیدی فرمانیمه هر پیرو قرآن
محکوم ایدرم گبریله ترسانی بو گونده
.
.
سلطان مسلمانه بودور امرمناسب
فرمانی اولا دایرۀ عالمه غالب
بیرکس اولا بیلمز منه همکار و مصاحب
مغلوب ایدرم موسی و عیسانی بوگونده
.
.
دنیاده بیلوردی اوزونی حاکم مطلق
تنها منم اسلامده سلطان محقّق
هر حکم که مندن اولا عالمده اودور حق
من دُندَرَرَم دورۀ دورانی بو گونده
.
.
دوشموشدی حسین ابن علی فکر محاله
ایستوردی ایده دولتیمی فسخ و اقاله
بی جا یره چکموشدی منی جنگ و جداله
بیلموردی که اولماز بونون امکانی بو گونده
.
.
صادر ایلدیم منده زیاد اوغلونا فرمان
مقتول ایلیوبدور لب دریاده لب عطشان
بیدار اولا تا آنلیه هر فرد مسلمان
بی جا یره اینجیتمیه سلطانی بو گونده
.
.
ئولدوردوله لب تشنه اونا یاریدی هر کس
محکومیدی فرمانینه دلداریدی هر کس
قویمادیله بیر کس اونیله واریدی هر کس
اولدودوله هم پیر و جوانانی بو گونده
.
.
مأمور ایلمیشدیم اولارا لشکر شامی
اود ویردیلا یاندیردیلا بیر قطعه خیامی
تا کامل اولا سلطنتین امری مرامی
نقض اُولمیه اُمتلره احسانی بو گونده
.
.
اجرا ایلیوبلر هامی فرمان امیری
شامه گتوروللر اودی بیر عدّه اسیری
اولسون بو زمان ملّتین آسوده ضمیری
سلطانلارینون مُجریدی فرمانی بو گونده
.
.
آسوده یاتون قورخمیون ای ملّت اسلام
هر کس که مخالفدی اونی ایلرم اعدام
هر ایش که گورورسوز گورون آزاد اولوب احکام
مسدود ایلدیم محبس و زندانی بو گونده
.
.
گیچموب او قدر شوکت درباریده گیتدی
محو اولدی گیدوبدور اوزی افکاریده گیتدی
اوندان بیر اثر قالمیوب آثاریده گیتدی
شاهددی ستم خانۀ ویرانی بو گونده
.
.
امّا بالا قیز شامده ویرانه ده قالدی
بیر نورودی باتدی که ایشیق عالمه سالدی
شامی گورنون صبرینی آرامینی آلدی
خرسند ایلیوب عترت طاهانی بو گونده
.
.
ترک ایتدی حسین عزِّتیله دارجهانی
مکشوف ایلیوب عالمه بی سرّ نهانی
دنیاده ایدر ظالمی اوز قدرتی فانی
منفور ایلدی زادۀ سفیانی بو گونده
.
.
بو سید حسین آدلی «ریاضی» دی مسلّم
اسلامه اولوب حکم قرآنیله معلّم
همواره اولور لعن یزیدیله مصمّم
لعن ایلوری سفیانیله شیطانی بو گونده
.
.
#حسینیه_شهادت
#دوندردی_حسین_گردش_دنیانی_بو_گونده
#ترکی
.
✍️ #زبدةالاشعار ✍️
.
🆔: @nohe_torki
نظر دهید