دونن بهاری خزانه گل آغلاماز آغلار #حضرت_رقیه_صحاف_تبریزی

خطاب حضرت رقیه به جناب علیا مکرمه
.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
دونن بهاری خزانه گل آغلاماز آغلار
گلندن آیری دوشن بلبل آغلاماز آغلار
.
آتا عموسی ئولن باغریقان اولان بیر قیز
بو قدر ظلمه اولا حامل آغلاماز آغلار
.
حسین عزیزه سى الدن گیده جلالی اولا
ذلیل دشمن آهن دل آغلاماز آغلار
.
شهنشه سراسینه سنده ساکن اولان
خرابه لرده ایده منزل آغلاماز آغلار
.
باشندا اولمیا بر مجرى حیاسندن
یوزینه زلفین ایده حایل آغلاماز آغلار
.
آتاسنون گوره نیزه باشندا قانلو باشین
گوزی ایوینده گزه قاتل آغلاماز آغلار
.
جلالی برهم اولوب قارداشی ئولن باجیا
گلن شماتته آچسا دل آغلاماز آغلار
.
نجه روادی بو مشگل گشا صبیّه سنون
ایشی بو نوعی اولا مشکل آغلاماز آغلار
.
خرابه ده ویره جان حسرتیله قول باغلى
آناسنا اولل چوخ نسگل آغلاماز آغلار
.
صغیر اوشاق یول اوزاق اولمیا سوزین ایشیدن
برهنه ناقه سنق محمل آغلاماز آغلار
.
شراب مجلسنه باش آچوق گیده زینب
بونا امام زمان مین ایل آغلاماز آغلار
.
جزا گونونده گنه صفحه سینه «صحافون»
چکیلمسه قلم باطل آغلاماز آغلار
.
.
#حضرت_رقیه_صحاف_تبریزی
#حضرت_رقیه_شهادت
#دونن_بهاری_خزانه_گل_آغلاماز_آغلار
#ترکی
.
✍️ #زبدةالاشعار ✍️
.
🆔: @nohe_torki