حالات حضرت زهرا (س)
.
✍️ زبدة الاشعار ✍️
.
🆔: @nohe_torki
.
#آسال_اردبیلی
.
دُرِ گنج شرف و گوهر عصمت زهرا
کوکب حجب و حیا شمس نجابت زهرا
.
بونا خاطر یارادوب کوثری جنتده خدا
سورۀ کوثری قرآندا ایدوب جلوه نما
بو محمد گولیدور مادر شاه شهدا
قدسیان سبقت آلالار اوپه لر مقدمینی
روز محشرده آلار چیگنینه حق پرچمینی
.
بونی خلاق جهان خلق ایلیوب بی همتا
بودی دریای شجاعت بودی اسپهر وفا
بودی حلّال مشاکل بودی هر درده دوا
بو شرف مصحفینون سوره سیدی آیه سیدی
بو خدای احدون الده کی سرمایه سیدی
.
دختر فاضلۀ شمس رسالتدی خانم
همسر نابغۀ شاه ولایتدی خانم
مهد ایمان و حیا کان شرافتدی خانم
عالمون خلقتینون فاطمه دور قائمه سی
هاجر و آسیه دور درگهینون خادمه سی
.
زیبدور آدی بونون مام مسیحا آدینا
فخریدور اطیب ادی مادر موسی آدینا
شیعه لر قربان اولا ام ابیها آدینا
آدینون مدحینی حق سورۀ کوثرده یازوب
ذکر یافاطمه نی سر در محشرده یازوب
.
دوزدی ظاهرده خانم شیر خدا همسریدی
ولی باطنده علینون الینون خنجریدی
بو پیمبر قیزیدی ذات حقون مظهریدی
سسلینده آنا سسلردی بونی روح صلات
فاطمه دختر پیغمبره گوندر #صلوات
.
او زمانیکی عدو آچدی ستم دفترینی
ظلمیلن باغلادی سلطان زمن اللرینی
مسجده چکدیله احرار جنان سرورینی
عجبا ، نور خدا کفره مقابل دوردی
شه کفرون قاباقیندا شه عادل دوردی
.
واردی بیر غصه لی سوز بوردا ایا اهل عزا
دیه بیلسم گلر افغانه یقین ارض و سما
مسجده ساری گلور فاطمه فخرالنجبا
دوزولوب سینه سینون قانی پریشان موده
گلور اما نجه گلمک بیر الی پهلوده
.
الغرض داخل اولوب مسجده دریای وفا
گوردی بی کس دایانوب پادشه یوم جزا
دوزمدی همدم دیرینه سی قول باغلی دورا
دیدی مرحب بولنون دهریده همسنگریم
حقی پامال اولونان رهبریمون یاوریم
.
دایانوب سینۀ مسجدده او خاتون وقار
ایسته دی خطبه ایلن ایلیه خصم اللهی خوار
یوزونی دوتدی ابوبکره دیدی کینه شعار
غاصب حق علی درده گرفتار اولاجاق
امپراطور جهان اولسا گینه خوار اولاجاق
.
نه جسارتله عدالت قاپوسین سیندیردوز
اوت ویروب ظلمیله حیدر ایوینی یاندیردوز
ملت جاهله ناحق سوزوزی آندیردوز
قویمارام لطمه یته ذره علی عزتینه
شیریلر مات قالوب فاطمه نون غیرتینه
.
عمره دوتدی یوزون سسلدی ای شوم دغا
بوقدر عترت طاهایه داخی ایتمه جفا
باغلی اللر ایلیر حشریده چوخ بذل و عطا
شیر یزداندی علی شافع محشردی علی
صاحب کوثرم و ساقی کوثردی علی
.
اِشیت ای رهبر کفار بداختر آچ الین
بوس ایدوب اول الی گوگلرده ملکلر آچ الین
ایستمور پاره ایده بندی بو صفدر آچ الین
اللهین قدرتی وار باغلی اولان اللرده
قدرتین ثابت ایدوب واقعۀ خیبرده
.
خانمون خطبه لری مسجده سالدی هیجان
گوردی یوخ مشتری گفتارینه بانوی جنان
ال آتوب معجرینی باشدان آچا ناله کنان
مرتضی سسلدی سلمان وفاپرورینی
قویمیا فاطمه نی باشدان آچا معجرینی
.
آه یابن الحسن عذر ایستیورم سندن آقا
یارالی قلبووه عاشقلروون جانی فدا
میخ در بیلمیورم نیلدی مظلوم آنووا
فقط عرض ایلیورم گول کیمی زهرا سولدی
تک قویوب حیدر مظلومی جوانمرگ اولدی
.
گون اوگون اولدی غرض فاطمه نی شاه جنان
سینه سی یاره لی تابوته قویوبدور نگران
گتیروب یاسمنین دفن ایلیه ناله کنان
قویدی تابوتی یره سالدی احبانی یولا
دیدی زهرانی گرک حیدر أوزی قبره قویا
.
هره بیر سمته گیدوب قالدی علی شیرخدا
گوزلریندن توکولور صورتینه اشک عزا
دیدی بیر کلمه فقط دلبرینه شاه ولا
دیدی زهرا بو گجه سنده علینون داشین آت
یورولوبسان بیلیم قبریده گیت راحت یات
.
یری وار ارض و سما ناله و افغان ایلیه
اچا باش روح الامین گوزیاشینی قان ایلیه
ایستدی عرشی علی فرشیده پنهان ایلیه
هجر زهرا اوزمان لرزه سالوب صبر ایوینه
قویدی حیدر یارالی دلبرینی قبر ایوینه
.
اوتوروب قبرینون اوسته ایلیور آه و فغان
دیدی خلق ایلمیوردی منی ای کاش یارادان
بو غمون فاطمه جان قلبیمی بولدی آرادان
بیت الاحزانه نه یوزلن دینن آیا قیودوم
سنی مندن خبر آلسا بالالار من نه دیوم
.
ناگهان خوابه گیدوب نور خدای ازلی
گوردی رویاده علی فاطمه نی بلده الی
دیدی دور گیت ایوه تز قالما بو مأواده علی
دوردی فورا قیودوب منزله اطفاله گوره
گوردی هر گوشه ده آغلور هره بیر حاله گوره
.
بیری دی سیلی اونا ثانی ویراندا واریدیم
بیری دی پشت دره قانی آخاندا واریدیم
بیری دی محسنه حسرتله باخاندا واریدیم
بالالار ناله سی قلب فلکی داغلوردی
هامیدان چوخ ولی بیچاره حسن آغلوردی
.
#فاطمیه_شهادت
#در_گنج_شرف_و_گوهر_عصمت_زهرا
#ترکی
.
✍️ #زبدةالاشعار ✍️
.
🆔: @nohe_torki
نظر دهید