زبدةالاشعار

دُرّ گرانبهای گنجینه ی عدالت #پیامبراسلام_رضوی_زنجانی

در شهادت حضرت خاتم الانبیا (ص)
.
✍️ زبدة الاشعار ✍️
.
🆔: @nohe_torki
.
رضوی زنجانی
.
.
دُرّ گرانبهای گنجینه ی عدالت
سر چشمه عنایت شمس سپهر رحمت
اوُل خاتم رسولان سردار کلّ خلقت
ایستیردی روح پاکی ترک ایلسون جهانی
دنیانی گوزدن آتسون آغلاتسون عرشیانی
.
یاتمشدی بسترینده احوالی چوخ پریشان
اُمّت غمینده امّا اولموشدی دیده گریان
صاق و صولا باخاردی اوُل فخر باغ رضوان
عرض ایلیردی یا ربّ گیچ اُمّتین گناهین
سنسن فقط امیدی هر عبد بی پناهین
.
ناگه نزول ایدوبدی روح الامین شتابان
گلدی حضور پاک طاهایه پیک سبحان
عرض سلام ایدوبدی اوّل او نور رحمان
طاها بیوردی جبریل بس هارداسان بو ساعت
عرض ایلدی ویریردیم جنّابه زیب و زینت
.
آماده دور بو ساعت پیشوازیوه ملک لر
حقّ ایلیوبدی دعوت ای کائناته سرور
گوزلور یولون سماده عرش اهلی یا پیمبر
طاها بیوردی الان تیر غمه نشانم
بو اُمّتین حالندان محشرده ناگرانم
.
پرواز ایدوب دوباره جبریل آسمانه
حقّدن خبر گتورسون اوُل یار مهربانه
پیغام حقّی فوراً گتدی گُل جنّانه
عرض ایتدی حق بیوردی ای سرور دو عالم
سنسن منیم حبیبیم،سنسن رسول خاتم
.
من قویمارام امیدین گلزاری غمله سولسون
محشرده قلب پاکین یا اینکه غمله دولسون
عفو ایلرم او قدری خشنود حبیبیم اولسون
اولسان رضا رضایم ای ماه بی بدیلیم
سنله تاپوبدی زینت کوثوله سلسبیلیم
.
ناگه قاپی دگولدی هی ایستدی اجاره
گلسون حضور پاک شاهنشه حجازه
دیداریمیز دیوردی اولسون گرکدی تازه
بیر سائلم بو گونده گلدیم حضور یاره
عرض ایلیم گرکدی بو عرضی شهریاره
.
زهرا بیوردی طاها حالی اولوب پریشان
دیدار شهریاره یوخدی اجازه الان
ممنوعیدور عیادت ای عبد حیّ سبحان
زهرا قیتدی فوراً بالین مصطفایه
سایه سالوب غم ابری فرق گُل کسایه
.
ناگه گوزون آچوبدی اول شهریار والا
ایتدی اشاره کیمدی ای نور چشم طاها
گویا که بیر عربدی عرض ایتدی اوندا زهرا
اصراری واردی گلسون سندن عیادت ایتسون
ایستور بابا اجازه تا عرض حاجت ایتسون
.
من ویرمدیم اجازه بیر نوعی ایتدی ناله
باخدی منه ولیکن دوشدوم بیر اوزگه حاله
قلبیمده یر ویریلدی گویا غم و ملاله
چوخ خواهش ایلور امّا بالین نوره گلسون
بیلمم بابا او کیمدی ایستور حضوره گلسون
.
طاها بیوردی اوندا ای نو گُل رسالت
هیچ بابیدن دُخوله آلماز او شخص رخصت
رخصت ویرون او گلسون ماموریدور بو ساعت
ای قلبیمین صفاسی صبر ایله سن آز آغلا
ماموریدی جان آلسین گَل گوزلریمی باغلا
.
زهرا ایدوبدی ناله غم یاغدی ماسوایه
ای وای بابا دینده عالم گلوب نوایه
یثربده دوشدی غوغا یر گوی باتوب عزایه
روح بزرگ طاها پَر وُوردی آسمانه
یاسه باتوبدی زهرا قلبی دونوبدی قانه
.
صبر ایلمیردی زهرا بو غملی ماجراده
اشکین توکوردی هجر پیغمبر خداده
بیلمم نجه دوزوبدی صحرای کربلاده
گویا گوروب یخلموش تپراقه نور عینی
باشدان ایاقه یاره لب تشنه ئوز حسینی
.
اوخ نیزئیله بعضی،بعضیلری وُرور داش
مین یاریه هدفدی بیر پیکریله بیر باش
تلّ اوستونه قاچوب هی زینب دیردی قارداش
بو قوم کافر ایچره یوخ بیر نفر مسلمان
شیرازه دن چیخوبدی جسمین مثال قرآن
.
بو قومه نیلیوبدی زهرائیله پیمبر
قتلون بیلور فریضه بو چولده قوم کافر
لشگر الینده نیزه،تپراقدا قانلی پیکر
جسمین اولوبدی گوز گوز از بس دگوبدی یاره
گاهی نفس آلاندا گلمور نفس دوباره
.
بیر ایش گورور مسلمان قالموش یهودی حیران
هی یاغدیرور هوادن شمشیر و نیزه پیکان
جسمین ایدور نشانه قوم جهول و نادان
هیچ بیر دیمیلّه طاها بو جسمه جسم و جاندی
ال ساخلیون بو قومه بو چولده میهماندی

متن پیشنهادی:  گوروب دل یاراسندان دوباره یارا عبّاس #عباسیه_یحیوی_اردبیلی

.
#پیامبراسلام_شهادت
#در_گرانبهای_گنجینه_عدالت
#پیامبراسلام_رضوی_زنجانی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی