زبدةالاشعار

دِئمه مجنونه دَلی بلکه ده لیلا دَلی دور #کربلا_محمد_وهابزاده

((لیلا دلی دور))
.
✍️ #زبدةالاشعار ✍️
.
🆔: @nohe_torki
.
محمد وهابزاده(عیّار) اردبیلی
.
((دِئمه مجنونه دَلی بلکه ده لیلا دَلی دور
عشق اولان یرده بوتون عاقل و دانا دَلی دور
.
سالدی یوسف کیمی ئوز سویگولی سین زنجیره
قویدی رسوالیقی عالمده ذلیخا دلی دور))
.
عشق دیوانه لرین درسینی دار اوسته وئرر
جوخۀ آتشینه عارفِ شیدا دَلی دور
.
بودا بیر سوزدی دیور عشقیده پروانه نی گور
یانماقین حظّینه تک شمع دل آرا دَلی دور
.
ولی بیگانه دوشونمز بو مثلدن بیر زاد
چون بو معنایه فقط آگه معنا دلی دور
.
عشق و دیوانگی و شهرت پُر مایۀ قِیس
هامیدان آرتیق اونا حضرت عیسا دلی دور
.
محک عشق چتیندور چیخا بیلمز هر کس
روسفید اولسون او عاشق که سراپا دلی دور
.
بیلورم من او کسی عشق و جنون استادی
قالدی پیمانیده مردانه و یکتا دلی دور
.
دئدی دنیانی اگر دوتسا بوتون لشکر کین
ذرّه باک ایلمرم گورمَسه بینا دلی دور
.
گتدیلر جانلاری بازاره او یتمیش مجنون
کیم بو سودایه باخوب سویله دی سودا دلی دور
.
بس که آل وئرچی ائدیب بیع و شراء مستانه
آلانی آلدی ساتان محوِ تماشا دلی دور
.
دوزدی (عیّار) ام و دیوانه لیگی خوشلیارام
بو طریقتده اولان مفلس و دارا دلی دور
.
.
#کربلا_محمد_وهابزاده
#اصحاب_الحسین #ورود_محرم
#دئمه_مجنونه_دلی_بلکه_ده_لیلا_دلی_دور
#ترکی

متن پیشنهادی:  بادا مبارک ، بر آل طه #حیدریه_فاطمیه_لاادری

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی