دگدی شمشیر جفا سجده ده حیدر باشینا #حیدریه_ذاکر_اردبیلی

در ضربت و شهادت حضرت علی علیه السلام
#گریز به #قتلگاه
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی ( 4 سبک شامل سبک های #کربلا_منتظر_ماست #گل_حلال_ایله_منی #شهریاریمسن_آقا #یارالی_جان_یارالی )
.
مرحوم ذاکر اردبیلی
.
دگدی شمشیر جفا سجده ده حیدر باشینا
سالدی محنتله قرا آل پیمبر باشینا
.
.
قطبِ عالم یارالاندی چخوب افلاکه فغان
آخدی سو مثلی مبارک یوزونه قرمزی قان
باش آچوب گلدی حسینیله حسن ناله کنان
گوردیلر یاره وروب زهریلی خنجر باشینا
.
.
گتدیلر الغرض اول شاهی ائوه زحمتیلن
بسترده اوزادوبلار اونی چوخ عُسرتیلن
ساغ طرفده حسن و صولدا حسین محنتیلن
جمع اولوبلار هاموسی حیدر صفدر باشینا
.
.
ال آتوب زینب او اثناده آچوبدور باشینی
ایلدی آهیله رخساره روان گوز یاشینی
صونرا ایلوبدی مخاطب او خانم قارداشینی
نه گلوبدور آتامین سویله برادر باشینا
.
.
زینبه وئردی جواب حضرت شاه شهدا
ابن ملجم بیزی ائتدی باجی جان غرق نوا
سجده حالینده او ملعون آتاما ائتدی جفا
اندیروب قدرت سرشاریله خنجر باشینا
.
.
شدّت یاره او شاهه ائلیوب بسکی اثر
حضرت میر عرب شاه عجم فخر بشر
قانلی گوزلرله قیلار گه صولا گه ساغه نظر
گوردی کی جمعیدی اصحاب پیمبر باشینا
.
.
کاش اولیدیلار اولار کرب و بلاده او زمان
اوندا کی دوشموشیدی مقتله سلطان جهان
باشدا اون یدی یارا پیکرینون قانی روان
یغیلوب الده قلج لشکر کافر باشینا
.
.
نیزه لر الده عرب طائفه سی لشگریلن
آلدیلار دوره سینی شمر جفا پروریلن
کیمی داشلان کیمی نیزیله کیمی خنجریلن
سالدیلار قاره او گون زینب مضطر باشینا
.
.
سینه سینده آتی اویناتدی جفائله سپاه
آتلارون نعلی ائدوب نعش شهنشاهی تباه
” #ذاکرینده “اوره گین پارچالادی سوزش آه
گتدیلر گور نه بلالر تن بی سر باشینا
.
.
#حیدریه_شهادت
#دگدی_شمشیر_جفا_سجده_ده_حیدر_باشینا
#ترکی
.
✍️ #زبدةالاشعار ✍️
.
🆔: @nohe_torki