زبدةالاشعار

دیمورم که وار لیاقت سنه خدمتیمده قارداش #خوندل_تبریزی #عباسیه

زبانحال حضرت باب الحوائج ابوالفضل (ع)
.
✍️ زبدة الاشعار ✍️

?: @nohe_torki
.
مرحوم خوندل تبریزی
.
دیمورم که وار لیاقت سنه خدمتیمده قارداش
دیورم رضای حق وار بو عیادتیمده قارداش
.

دیمورم که اهل کینه منه ایلیوب جسارت
دیمورم بلالی جسمیم باشاباش اولوب جراحت
دیورم بالالاروندان منی ایتدیلر خجالت
نه دیوم نه غصه لر وار بو خجالتیمده قارداش
.

دیمورم که قانلی تپراق قوری یر اولوب فراشیم
دیمورم ثمرسیز اولدی هامی زحمت و تلاشیم
دیورم هرایه گلسن اوجالار بلالی باشیم
ابدی سعادتیم وار بو شهادتیمده قارداش
.

دیمورم الیم اولیدی گوزومون قانین سیلیدیم
دیمورم بو کشمکشلر ندی بیر باخوب بونیدیم
دیورم گوزوم گوریدی یوزیوی گورب اُلیدیم
نه گوزل اولار تلافی هامی زحمتیمده قارداش
.

دیمورم که قانه دشمن نه قدر عطشدی قارداش
دیمورم باشیم قانیله بدنیم بلشدی قارداش
دیورم که بیر باش اوسته بو نه کشمکشدی قارداش
نیه دمبدم غم آرتور دم رحلتیمده قارداش
.

متن پیشنهادی:  ای روزگار، دُور کجیندن فغان سنین #حسینیه_عاجز_سرابی

دیمورم که نه جنایت ایلیوب بنی امیه
دیمورم سکینه آغلور دیمورم یانور صفیه
دیورم آپار سو مشکین گوره سویگلون رقیه
بوله اولمیوب قصوریم هله خدمتیمده قارداش
.

دیمورم که هر نه گلشن بو جهاندا وار سولیدی
دیمورم آخیدی اشکیم بو بلالی چول دولیدی
دیورم که کاش ازلدن بو فراتی قان اولیدی
نجه قانه دوندی باغریم بو سو صحبتینده قارداش
.

دیمورم که قارداشام من سنه عبد جان نثارم
دیمورم که لطفه سندن نقدر امیدوارم
دیورم قبولون اولسا قدمونده خاکسارم
بو شکسته لیق بُتونلیق اولار عزتیمده قارداش
.

دیمورم خزان غمدن گنه گل کیمی سولیدوق
دیمورم سوسوز لو چولده گنه ابر تک دولیدوق
دیورم الیم اولیدی گنه قول بویون اولیدوق
سنه درد دل دییدم بیله حالتیمده قارداش
.

متن پیشنهادی:  ای صبا وئر خبر عشاقه که دلدار گلور #حضرت_معصومه_نادربابایی

دیمورم که عاجزم من بو قدر بلا الینده
دیمورم که دستیگرم سپه جفا الینده
دیورم یارالی باشیم قالوب اشقیا الینده
منی کاش بیر گوریدون بیله ساعتیمده قارداش
.

دیمورم که اهل عشقه بو جهاندا رهبرم من
دیمورم که سر سپاهم سنه میر لشکرم من
دیورم که درگهونده او وفالی نوکرم من
سَنَدین یازوبلا قاندان سر و صورتیمده قارداش
.

دیمورم که یانمورام من او شرار غم لروندن
دیمورم که بی نیازم او صفالی دم لروندن
دیورم عنایت ایله گل اوپوم قدم لروندن
منی باشیوه دولاندور دم فرقتیمده قارداش
.

متن پیشنهادی:  او گون که ایلدی رحلت رسول عالمیان #پیامبراسلام_ناصر_اردبیلی

دیمورم الیم بو چولده اوزولوب منیم ایلیمدن
دیمورم که آیری دوشدوم هامی گلشن و گلیمدن
دیورم که وای اوزولسه اتگون بو گون الیمدن
نه قالار شرف الیمده نه ارادتیمده قارداش
.

دیمورم بو تنگناده منی بیرده سرافراز ایت
دیمورم که هر غمیم وار اولارا گلوب اوزون یت
دیورم آقالیق ایله گل او گل یوزون گوروم گیت
بولوسن نه لحظه لر وار بو زیارتیمده قارداش
.

دیمورم که شمع وصلی باشیم اوسته بیرده یاندور
دیمورم نه قدر لطفون منه وار بو قومه آندور
دیورم که بیرده بیر گل منی باشیوه دولاندور
سنه کشف اولار علاقم بو عیادتیمده قارداش
.
#سبک_سو_یوخومدی_قیزلاروندان (بیش از 5 سبک)

.
#عباسیه_شهادت
#دیمورم_که_وار_لیاقت_سنه_خدمتیمده_قارداش
#خوندل_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی