زبانحال زائر حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
مرحوم خوندل تبریزی
.
دیمیرم بو شهر مقدسه داریخوب سیاحته گلمیشم
هله من نیم که دیم سنون قاپوا شکایته گلمیشم
.
.
بولورم هر اهل دلین اولار که سیز اهل بیته ارادتی
گلر احتیاجینی عرض ایدر و روا اولار هامی حاجتی
بونیازمنده ده قیل نظر نظرونده دوت بو مسافتی
بو اوزاق یولی نه امیدیله بو جوار رحمته گلمیشم
.
.
من او پایبند مصیبتم که غم ایلیوب منی خسته دل
اورگیم سنوبدی او سینماقی منی ایلیوبدی شکسته دل
بو قدر می غم عشقوی نجه ساخلاسون بو شکسته دل
نه نواسی وار نه سیزیلتسی قاپوا طبابته گلمیشم
.
.
بولوسن نقدر بو عمرده غم و رنج و زحمته دوشموشم
قیریلوبدی بال و پریم اوزوم غم بی نهایته دوشموشم
یارالی قانادی سنان قوشام که بو شاخ رحمته دوشموشم
هامیدان امیدیمی کسمیشم سنه عرض حاجته گلمیشم
.
.
غم و غصه قلبیمی چوخ سیخوب دولی بیر بولود کیمی دولموشام
آخوری عذاریمه گوز یاشیم دیمورم اسیر غم اولموشام
اثری دعالرین اولمیوب اوقدر دیوب که یورولموشام
بو امیده بوردا دعالریم یتیشر اجابته گلمیشم
.
.
نه قدر زمانه ده سیدی غم هجر اودیله یانام گرک
نه علاجی وار و نه چاره وار نقدر یانام دایانام گرک
بو امیدیله که خلاص اولام باشیوا سنون دولانام گرک
بودی وجهی من سنه عاشقم دیمورم زیارته گلمیشم
.
.
بو حریم امنده هر کسین سیزه وار نقدر محبتی
او علاقه قدریجه لاجرم اولاجاقدی عرض ارادتی
اوره گیمده مین بو قدر غمین گینه وار تحمل و طاقتی
نه گلایه ایتماقا سیدی بورا نه شکایته گلمیشم
.
.
دیمورم که من سیزه نوکرم سیزه یا که منتسب اولموشام
دیمورم اولوب سیزه خدمتیم دیمورم قاپوزدا یورولموشام
من او پیچکم که دولاشموشام گله همنشین گل اولموشام
منی اوز گولومدن آیرمیون طمع طراوته گلمیشم
.
.
ال اگر او مطلعه ورموشام بولوسن اوزون ندور علتی
نقدر تلاش ایلدیم یازام ایلینمدیم او جسارتی
سیزه #خوندلون بولوسن که وار نجه صادقانه ارادتی
او ارادتیمدی اولوب سبب بیله بیر جسارته گلمیشم
.
.
.
#رضویه_مدح
#دیمیرم_بو_شهر_مقدسه
#خوندل_تبریزی
#ترکی
.
✍️ #زبدةالاشعار ✍️
.
🆔: @nohe_torki
داداش عالیدور خدا خیرت بده حلال میکنید از شعراتون بنویسم و هر از گاهی بخونم ؟
سلام و احترام
حتماً
التماس دعا