مجلس یزید.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
دینی ایلیه ن احیا کربلاده زینبدور
متفق حسینیله هر بلاده زینبدور
.
.
رسمدور عربلرده بانوان علیالر
اوچ نقاب و معجردن صورته حجاب ایلر
یوزده بُرقع و باشدا بیر عبا و چادر سر
بُرقع و عبا گیتدی قالدى زینبه معجر
بو طریقیله گویا سرگشاده زینبدور
.
.
هنده نون عنود اوغلی ائندی بزمه آرایش
وئردی بارگاهینده اجتماعه گنجایش
عده ای تماشاچی تاپدی بسکه افزایش
مجلسه قدم قویجاق اولدی سلب آسایش
عترت پیمبر که پیشواده زینبدور
.
.
با خدی زاده ی سفیان اهل بیت اطهاره
کبریله خطاب ائتدی زینب دل افکاره
یا رشیدة النّسوان گل منیله گفتاره
گور نئجه ظفر تاپدوم من حسین بی یاره
محضریمده قول باغلی پا پیاده زینبدور
.
.
سؤیله دی اونا زینب قورخ اِلاه عالمدن
شرم ائله منیم جدّیم شارع مکرّمدن
بیر اوتان آنام زهرا بانوی معظّمدن
بیلمه سن اوزون فاتح وقعه ی محرّمدن
فتح ناموه ناسخ منتهاده زینبدور
.
.
بو جواب و جرئندن روحی انقلاب ائتدی
عقل و هوشینی زایل نشئه ی شراب ائتدی
گلدی قهره اول ظالم غیظیلن عتاب ائتدی
قتل زینبه ناگه میر غضب شتاب ائتدی
بیلمدی اولان غالب مدّعاده زینبدور
.
.
دوردی صندل اوستوندن #جاثلیق نصرانی
سب ائدوب حرارتله خاندان سفیانی
سن اگر مسلمانسان بو نئجه مسلمانی
ای شقی عجب رسوا ائتدون امر قرآنی
گورموسن اونا وارث شاهزاده زینبدور
.
.
بیزلره نشان قالمیش پای مرکب عیسا
طاس زرده آسلانمیش معبد واتیکاندا
نقشه ی حواریون دوره سینده عبد آسا
تختوین قباقینده کیمدی بو اسیر آیا
بنت فاطمه صاحب خانواده زینبدور
.
.
گر قالیدی بیر فرزند حضرت مسیحادن
جاندان آرتیق ایلردوک حفظ هر بلایادن
گوزلدون عجب حرمت خاندان طاهادن
شرم قیل حیا ایله مرتضا و زهرادن
ائتمه فخر زندان اشقیاده زینبدور
.
.
گر یزید بی ایمان حکم دینی خوار ائتدی
خارجی لرون پاپی حقی آشکار ائتدى
بزم ظلمده حقه جانینی نثار ائتدی
قلب ظالمه بیر اود ووردی داغدار ائتدی
بیلدی محترم بزم کبریاده زینبدور
.
.
فرصت اولمادی فتح شامه عصر حیدرده
زینبون دیلی تسخیر ائتدی شامی هر یئرده
زین العابدین آچدی روی حقّدن پرده
پرچم یداللهی ووردی فوق منبرده
بو ارادیه باعث ابتداده زینبدور
.
.
.
#مجلس_یزید #یحیوی_اردبیلی
#دینی_ایلین_احیا_کربلاده_زینبدور
#اسرار_عاشورا
#ترکی
.
✍️ #زبدةالاشعار ✍️
.
🆔: @nohe_torki
نظر دهید