زبانحال امام حسین علیه السلام در بالین حضرت قمرمنیربنی هاشم (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_ویرن_ویرانه_یرده
.
مرحوم شانی تبریزی
.
دین اسلام عالمینده سن بوگون الحق ابوالفضل
گلستان دینه ویردون قانیله رونق ابوالفضل
.
.
جدیمین دینی بوگون تاپدی ایله رونق الونده
بولدى عالم وار بو دینون رونقی مطلق الونده
تا اسردی قدرتوندن بر ملا بیرق الونده
قورخودان یاتمازدی راحت خولی و ارزق ابوالفضل
.
.
دوشدی بیربیرق الوندن مین یاتان بیرق اوجالدی
مقصده یتدی قشون اهل عداوت کامین آلدی
های و هوی اهل کوفه اهل بیتی خوفه سالدى
بیرده آسوده یاتانمازعترتیم مطلق ابوالفضل
.
.
عالم کل علومم واقف اسرار مبهم
کاشف کل رموزم هر نهان بیر علمه اعلم
من او عالمدن بولوردوم واربوگون بیربیله عالم
زینبیم اما اوزوندن چخسا وار ذیحق ابوالفضل
.
.
غرق ائدر بو حالتون عالملری بحرملاله
اولمادی سو، دوندی اشکون چشمۀ ماء زلاله
سوکنارینده سنون جسمون باتوب قانه چو لاله
زینبین ده قولّاری سنسیز اولار زنبق ابوالفضل
.
.
تا علم دوشموب یره لشکر قیتمز رزمگهدن
بیر علمداری دوتار سلطان مقدّم بیر سپهدن
یاتسا بیرق گورسنور مطلق شکست آثاری شهدن
بیرده سنسیز کیم باشیم اوسته آچار بیرق ابوالفضل
.
.
داغ بَردل دور ز بس سندن بوگون کفار کوفه
قورخورام بیردن توکولسون خیمیه اشرارکوفه
گولدوروب سرداری مقصوده یتوب سردارکوفه
حقّیمی انکار ایدوب بو فرقۀ ناحق ابوالفضل
.
.
چکمه خجلت آچ گوزون قالموبدی طاقت منده قارداش
شرمسیز دشمن سنی ایتدی بله شرمنده قارداش
دوزمرم هجرانوه گلم دالونجا منده قارداش
قویمارام یالقوزسنی اولام سنه ملحق ابوالفضل
.
.
ایسّی گون، یورقون بدن، سوز عطش،رنج جراحت
یاتمامیشدون سن علاوه بوگئجه بو لحظه راحت
قورخودان گلمز قوشون وار فرصت ایله استراحت
قان حریریندن دوشنموش فرش استبرق ابوالفضل
.
.
#عباسیه_شانی_تبریزی
#عباسیه_شهادت
#دین_اسلام_عالمینده_سن_بو_گون_الحق_ابوالفضل
#ترکی
.
✍️ #زبدةالاشعار ✍️
.
🆔: @nohe_torki
نظر دهید