ذرّ عالمی یازیلدی،منشور لیل و لا قان – #حسینیه_بلادی_اردبیلی

در تعریف مقام حضرت سیدالشهداء
.
✍️ زبدة الاشعار ✍️
?: @nohe_torki
.
کربلایی بهروز بلادی اردبیلی
.
ذرّ عالمی یازیلدی،منشور لیل و لا قان
نیده نوای غم قان،نیزار نینوا قان
مکتوب من بُکاقان، میقات کربلا قان
ای قبله گاه هستی،تندیس پیکرون قان
سجاده قان وضوقان، مَصحِ معطرون قان

.
باش تاجی قان، یارون قان، مهر عبادتون قان
پیشانی قان گوزون قان، محراب طاعتون قان
عطشان دوداقلارون قان، نورانی صورتون قان
عمامه قان عبا قان، لباده قان الون قان
ای جزوه جزوه قرآن، جنات مقتلون قان

.
اوخ باب آچان کورک قان، زهرائوپن ئورک قان
احرام قان منا قان،نعلین قان اَتک قان
مصریه قان، قلنج قان، قلخان قان، بیلک قان
یاهو دیئور آخان قان، اگنونده پیرهن قان
آغلار یارالی زهرا،اولدی سنه کفن قان

.
میخانه شرفدن، آلدون حسین سبو قان
ساقی بزم وحدت،زینب ئوپن گلوقان
قانلی مناده وئردی،اسلامه آبرو قان
اصغر ایچوب قیزیل قان، اکبرگییوب عبا قان
نهر اوستی قان، علم قان، عباس باوفا قان

.
سیمای سرّ حق قان، آئینه خدا قان
خاک شرف نما قان، سقا دوتان لَوا قان
طوی حجله سینده اولدی، قاسم یاخان حنا قان
زینب شریک نهضت، امضاءائدن سند قان
گیموش مناده یکسر، یتمیش ایکی جسد قان

.
گلشنده لاله لر قان، گل اوسته ژاله لر قان
شرح رساله لر قان، سنموش پیاله لر قان
یردن گووه اوجالموش، زهرای ناله لر قان
گودی قتلگهده، سیمای میزبان قان
وجدان گلوردی درده،آغلوردی آسمان قان

.
سسلوردی عرشین اهلی، دریاحسینه قربان
جدی رسول اکرم، طاها حسینه قربان
قبره گئدن یارالی، زهرا حسینه قربان
امیدیلن آچوب ال، درگاهوزه (بلادی)
گودال و تل زینب، هر دردیچون دوادی

.
#حسینیه_مدح
#حسینیه_شهادت
#ذر_عالمی_یازیلدی_منشور_لیل_و_لا_قان
#بلادی_اردبیلی
#ترکی
.
✍️ #زبدةالاشعار ✍️
?: @nohe_torki