افتادن امام حسین (ع) از #ذوالجناح
.
✍️ #زبدةالاشعار ✍️
.
🆔: @nohe_torki
.
هادی سلطان محمدی
.
ذوالجناحیدن یخیلدی توپراقا امام معصوم
ایستی قوملار اوسته یالقیز جان وئریب حسین مظلوم
اوخ دگوبدی ذوالجناحه
اوز قویوبدی خیمه گاهه
.
.
قان توکن سپاه کوفه پشت پا ووروبلا دینه
ئولدوروب پیمبر اوغلون کربلاده اهل کینه
اوخ یاغوبدی هر طرفدن سانجیلوبدی صدر زینه
سهم لر جراحتیندن ذوالجناح اولوبدی مصدوم
اوخ دگوبدی ذوالجناحه
اوز قویوبدی خیمه گاهه
.
.
قان آخوب یارالاریندان گئتدی طاقتی بیلکدن
قالمیوب رشید علمدار ناامید اولوب کمک دن
حرمله بیر اوخ آتیبدور اوخ گلوب دگوب اورکدن
زخمدار ائیدوب امامین سینه سین او تیر مسموم
اوخ دگوبدی ذوالجناحه
اوز قویوبدی خیمه گاهه
.
.
اوچ یوزه یاخون بدنده واردی زخمیله جراحت
جنگ ائیدوب سوسوز یارالی قالمیوبدی استقامت
کربلاده مرکب اوسته ائیلیینده استراحت
داش گلوب دیوب حسینه ظلمیدن اولوبدی مهموم
اوخ دگوبدی ذوالجناحه
اوز قویوبدی خیمه گاهه
.
.
داش ویروب عدو جبینه قلبینه دگوبدی بیر اوخ
بیر نفر یارالی یالقیز لیک دشمن حدّدن چوخ
نیزه و سنان ووروبلار بو غریبه رحم ائدن یوخ
کاتب جهان ائدنمز بیر بیله جفانی مرقوم
اوخ دگوبدی ذوالجناحه
اوز قویوبدی خیمه گاهه
.
.
سرزمین کربلادن چرخ آبیه باخیردی
قرمیزی قانین او سرور اوز عُذارینه یاخیردی
ایچمه میشدی سو او چولده بحر تک فرات آخیردی
ائیله میشدی کوفه اهلی آبدن امامی محروم
اوخ دگوبدی ذوالجناحه
اوز قویوبدی خیمه گاهه
.
.
یوز قویوبدی توپراق اوسته عرض حال ائدوب خدایه
سسلیوب خدانی دیلده صبر ائدوب حسین قضایه
غارت ائتدیلر لباسین ووردولار باشین جدایه
اشقیا جنایتیندن اولدی دین سراسی مهدوم
اوخ دگوبدی ذوالجناحه
اوز قویوبدی خیمه گاهه
.
.
ناله لر یتوب سمایه سرزمین کربلادن
یئر گوی آغلیوب بو گونده ظلم و جور اشقیادن
شمر بی حیا امامین کسدی باشینی قفادن
قتلگاه کربلاده جان وئروب حسین مظلوم
اوخ دگوبدی ذوالجناحه
اوز قویوبدی خیمه گاهه
.
.
«هادی» روز و شب یازیبدی شاه کربلا سوزوندن
ساخلیوب عزا حسینه گوز یاشین توکوب گوزوندن
تدوین ایلیوب کتابین دوز مقاتلین اوزوندن
ائلیوب خدا عنایت سوزلرین ائدوبدی منظوم
اوخ دگوبدی ذوالجناحه
اوز قویوبدی خیمه گاهه
.
.
#حسینیه_هادی_سلطانمحمدی
#حسینیه_شهادت
#ذوالجناح
#ذوالجناحیدن_یخیلدی_توپراقا_امام_معصوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید