ذوالفقارون یا علی چون فرق اعدادن گچر #حیدریه_شکوهی_مراغه_ای

مدح حضرت امیرالمومنین علیه السلام
.
.
.
مرحوم شکوهی مراغه ای
.
.
ذوالفقارون یا علی چون فرق اعدادن گچر
شرح تعریفی اونون دنیا و عقبادن گچر
.
لاله و گل فیض لطفوندن سنون رونق تاپار
هر سحر باد صبا چون باغ و صحرادن گچر
.
مهری قیترماق ندور گر صرصر قهرون اسه
مشعل خورشید بزم چرخ خضرادن گچر
.
واقف اسرار غیبی سن بولور سن یا علی
هر عمل کیم قدرت خلاّقِ یکتادن گچر
.
هر کیمه بیر گوشۀ چشمونله گر ایتسن نظر
شأنیده اسکندر و شوکتده دارادن گچر
.
عاشق دیدار و مشتاقِ سرِ کویون سنون
وصل باغ جنّت و غلمان و حورادن گچر
.
جام مهروندن سنون عالمده هر کیم مست اولور
عارضی محشر گونی گلبرگ حمرادن گچر
.
نقد جان ویرماق یوزون گورماق اگر ممکن اولا
ای سنه جانیم فدا کیم بیله سودادن گچر
.
یا علی آلسا (شکوهی) سندن انعام قبول
نظمی نظم گوهر و دُرِّ مصفّادن گچر
.
#حیدریه_مدح
#ذوالفقارون_یا_علی_چون_فرق_اعدادن_گچر
#شکوهی_مراغه_ای
#ترکی #حیدریه
#زبدةالاشعار