در مدح و شهادت امام جعفر صادق (ع)
.
.
اکبر ستاری ( قیزیل قلم )
.
.
رئیس اهل شریعت امام جعفر صادق
مراد اهل طریقت امام جعفر صادق
مقنّن بشریت امام جعفر صادق
مدبّرمدنیّت امام جعفر صادق
محیط خلقته زینت امام جعفر صادق
ویریبدی دینه مزیّت امام جعفر صادق
.
.
وجودی آیت عظمای حیِّ لم یزلی دور
امام و حجت برحق جهانیانه ولی دور
پیمبرین نوه سی هم گوزللرین گوزلی دور
گونَش مثالی بوتون کایناته نورجلی دور
اونوندی ملک امامت او جانشین علیدور
امیرکشورحکمت امام جعفر صادق
.
.
حسن حسین نوه سی نور چشم حضرت باقر
لقبده صادق و فاضل نسبده طیّب و طاهر
نسبده طیب وطاهر حسبده نیِّر و باهر
امام صادق آدیلان حدیث وار متواتر
تاپیپ حدیثیله شهرت امام جعفر صادق
.
.
اودور مدبّر امرامور کشور ایمان
اودور معلم عرفان اودور مفسّر قرآن
اونون وجودینه فخرایلییربوعالم امکان
مقام ومنزلتین درک قیلساهر آییق انسان
اشاره ایلسه جانین ایدراو حضرنه قربان
اونیلا باغلییارالفت امام جعفر صادق
.
.
اوگون کی قبض ایلییب ظلم و فتنه روی جهانی
چوخ اولدی جور وستم چون بنی امیه زمانی
گیچیب زمانه بِنْ عباس اولوبدی بدعته بانی
گینه ده دایره ی تنگه سالدی اهل ولانی
بیرعده ایله دی بازیچه الده دین خدانی
او قومه ویرمه دی فرصت امام جعفر صادق
.
.
بدان که وعده ی حق است کاخ ظلم نپاید
زمانه میدهدش کیفری که موسمش آید
مثال میزنم این نکته بلکه درد بکاهد
“عدوشود سبب خیراگرخدایْ بخواهد ”
اولوبدی منجی امت امام جعفر صادق
.
.
کلیم دهر کلامین یِتیردی اوجِ کلامه
جهانِ عقل تمایل تاپیپ کلامِ امامه
مسیحِ علم گینه بحثِ دینی ویردی ادامه
مصمّم اولدی اِیده حُکمِ دینِ حقی اقامه
گورَن دییه گینه ده مرحبا رسولِ گرامه
ایدیبدی جدّینه خدمت امام جعفر صادق
.
.
شُعاعِ دایره ی علمی اِیتدی عالمی ماوا
مدینه شهری اولوب مرکزهدایت عظما
سوالی دیلده جوابه گلور یهود و نصارا
امام مُفتَرَض الطّاعه قیلدی حلِّ معما
کلام جعفر صادق اورکلرایچره اِیدیب جا
دیئردی درس دیانت امام جعفر صادق
.
.
کلاس درسینه دورت مین نفرکی شرکت ایدردی
گیدن او مکتبه احساس معنویت ایدردی
بوتون گلنلره مولا اوزی محبت ایدردی
متانتیله پیمبرمثالی صحبت ایدردی
دُرِ کلامینی شاگردیلرکتابت ایدردی
وِیرردی صحبته قیمت امام جعفر صادق
.
.
دوباره مکتب توحید آچیلدی اهلِ جهانه
طبیب دهرایدیرچاره ایندی دردِ نهانه
اولوبدی پیر وجوان بابِ شهرِ علمه روانه
قدم قویوب هامی دانشگهِ امامِ زمانه
حدیثلردییلیرشهریلرده خانه به خانه
آچیب دی باب فضیلت امام جعفر صادق
.
.
بوعلته گوره شیعه جهاندا شهرت آپاردی
دیلینده صادق آل محمّدین آدی واردی
اونیلا گلشنِ آلِ علی همیشه بهاردی
وجود پاکینه خاطرجهان صفاده یاشاردی
بالاسی باب الحوائج لقبدی مشکل آچاردی
بیزه ده ایلرعنایت امام جعفر صادق
.
.
فضایلینده یازیلدی رئیس مذهب شیعه
اونون وجودینه چوخ مفتخردی مکتب شیعه
رَهینِ منّت صادق دی جمله منصب شیعه
سپهرِ عزّته خورشید اولوبدی کوکب شیعه
یازیبلا قیرخ مین حدیثین رُواةِ مطلب شیعه
کی ایلییب دی روایت امام جعفر صادق
.
.
کُتُبِ اَرْبَعَه مشهوریدور رُواٰتی موثّق
یازیبلا جمله احادیثِ نابِ صادقِ اَصْدَق
امام صادق آدیلان بوایش تاپیپدی مُحَقَّق
کلامِ حقّیله تزیین اولوب سِپِهرِ مُطَبَّق
روادی شیعه لری فخر اِیده بونعمته اَلحَق
وِیریب کتابته عزّت امام جعفر صادق
.
.
کمال و مَنقبتین یازماقا یوخومدی توانیم
اولوب فَداکَ اَبی اُمّی ایندی وِردِ زبانیم
کمندِ عترتِ اطهاره باغلیدیردل وجانیم
ایکی جهاندا گلیراهلِ بیته عمده گمانیم
چکیر زبانه ولی سینه م ایچره سوزِ نهانیم
ایده مزارینی قسمت امام جعفر صادق
.
.
ملال ومحنت صادق گلن دگولدی حسابه
مصیبتین رقمین یازمییبدی کیمسه کتابه
ویریلدی زهرِستم یِدّی مرتبه او جنابه
گلرامامِ زمان سسلنراو قومی جوابه
دولاندی شیعه لرون گوزده یاشی اشکِ سَحابه
او گون کی تاپدی شهادت امام جعفر صادق
.
.
امام صادق ایلیکی جهانیدن سفر ایتدی
آتا مصیبتی موسی ابنِ جعفره اثرایتدی
مدینه اهلینی بو اتفاق دیده تر ایتدی
فراقِ صادق اگرچه جهانی خون جگرایتدی
ولیک گورمه دی محنت امام جعفر صادق
.
.
او گول جنازه سی ایستی قوم اوسته قالمادی عریان!
یانان چادیردا سوسوزاهلبیتی اولمادی گریان!
امام صادقه اوزمنزیلینده ایتدیلّرافغان!
قورولدی مجلس ماتم دوتولدی شام غریبان!
دوشوبدی یاده همان لحظه جدّی شاه شهیدان
نقدری چکدی مصیبت امام جعفرصادق
.
.
حسین مصیبتینی یاده سالدی موسیِ جعفر
دیلینده وای بابام ایوای اورک ده آهِ مکرّر
گهی دییردی حسین گاه دییردی وای عموم اکبر!
سیزیله گورنیجه رفتار قیلدی قومِ ستمگر
مگرعزیزی ئولن شخصه اَل چالالّا گول لّر؟!
مگر ایدلّه شماتت! امام جعفر صادق!!
.
.
حسین آدی گینه ده گلدی عشقلرمحک اولدی
حسین آدیلا سوزون انتهاسی بانمک اولدی
آتا بالا ایکی سی بیرآدیلا مشترک اولدی
« قیزیل قلم » سنه ده دست حق بوگون کمک اولدی
امام جعفر صادق آدیلاسوز بَزَک اولدی
وِیرر بو خدمته خلعت امام جعفر صادق
.
.
#صادقیه_مدح
#صادقیه_شهادت
#رئیس_اهل_شریعت_امام_جعفر_صادق
#قیزیل_قلم
#ترکی
#زبدةالاشعار #صادقیه
نظر دهید