زبانحال حضرت امام حسین (ع) در تنور خولی
.
✍️زبدة الاشعار✍️
?: @nohe_torki
.
مرحوم غمکش
.
راحتدی یریم ایتمه آنا، ناله و فریاد
کول اوسته قویوب باشیمی گر خولی جلاد
.
یوخ خنجر و اوخ نیزه وُران باشیمه الآن
سرنیزه‌ده خولی گتوروب باشیمی مهمان
جمّال کسوب اللریمی جاری اولوب قان
گل باشیمی آل سینوه باشیم سنه قربان
فرض ایله قفسدن که اولور بلبلون آزاد
.
دوره‌مده نه وار شمر و سنان خنجر الینده
شمشیر و سنان تیر و کمان شش‌پر الینده
یوخ تیغ و تبر داش او ستمگرلر الینده
یوخ دسته و نه لشگر و نه صفلر الینده
بیر مانع اولان یوخ اوخورام بو گیجه اوراد
.
سالسون یولووی کوفیه گر قتلگهیمدن
آگاه اولوسان حال وزیر سپهیمدن
درگاهیوی سال یادوه کیچ خیمه‌گهیمدن
احوالیمی بیرآل نظره قانلی رهیمدن
قلبونده ایده لشگر غم تازه غم ایجاد
.
عباسیم ئولوب اولدی غم و محنتیم افزون
سیلدوم گوزونون قانینی دلخسته و دلخون
قویدوم یوزومی قانلو یوزی اوسته جگر خون
دلخونم ابوالفضلیمین احوالینه اکنون
ایلوب غم اکبر منی تا حشر اولا ناشاد
.
سجّاده کول اوسته سالارام بو گیجه رازه
مشغول اولارام صبحه کیمی راز و نیازه
قانیله وضو ایلمیشم قصد نمازه
«غمکش» ایلیور صبح و مسا فکر اجازه
مندن اولا درگاهمه دربان اولا دلشاد
.
#سبک_ای_باد_صبا (بیش از 7 سبک)
.
#تنور_خولی
#غمکش
#راحتدی_یریم_ایتمه_آنا_ناله_و_فریاد
#یادگار_غمکش
#ترکی
.
✍️ #زبدةالاشعار ✍️
?: @nohe_torki
نظر دهید