زبدةالاشعار

راهبین دیرینه بیر جمع پریشان گلدی #دیر_راهب_واصف_مرندی

دیر راهب
.
✍️ زبدة الاشعار ✍️
.
?: @nohe_torki
.
واصف مرندی
.
راهبین دیرینه بیر جمع پریشان گلدی
رأس اُول جمعیده بیر رأس لب عطشان گلدی
سوزی تشریح ائلسم شاه شهیدان گلدی
فاطمه عترتی نصرانیه مهمان گلدی
او گجه صبحه کیمین عرشیدن افغان گلدی
.
.
باشلارین رهبری بیر قانه بلنمیش باشدی
اکبرو قاسم وعباسی اونا یولداشدی
گتورنلر ولی بیرعده دنی اوباشدی
فکر و اندیشه لری جایزه دی پاداشدی
دنیوی شخصلره جایز وارزان گلدی
.
.
بوحسیندی یارالی نیزه ده قرآن اوخویوب
مثل ومانندینی نه موسی وعمران اوخویوب
نه سلیمان ونه داوود خوش الحان اوخویوب
نیزه ده آیۀ کهفی ادیب عنوان اوخویوب
کوفه نی فتح ائلین حافظ قرآن گلدی
.
.
میزبانین باشی الحق اوجالیب بیر گجه لیق
عشقیدن باشینی غوغایه سالیب بیر گجه لیق
گوزلر حیرتده بو بابتده قالیب بیر گجه لیق
کل داراییسینه تحفه آلیب بیر گجه لیق
بو آغیر مسئله او عاشقه آسان گلدی
.
.
سیلدی سهمانلادی دیرینه عبادت اوطاقین
اتدی ابراز اورگینده شعف واشتیاقین
مشکبو ایلدی اولده مقدس قوناقین
گوزیاشیلان یودی القانه باتان دیل دوداقین
الی دگدیقجا یارالی دوداقا قان گلدی
.
.
دئدی کیمدن سوروشوم نام نشانین یارالی
بولمورم مقصدیوی شهرومکانین یارالی
واردی قلبینده یقین سر نهانین یارالی
گوزلرینده قورویوب اشکیله قانین یارالی
گوزووه باخدیقیجا قلبیمه ایمان گلدی
.
.
ولی افسوس کی آئینه دوشر گرد الینه
در نایابی زمانه وریب هر فرد الینه
پاک اورگ طعمه اولار دین غمینه درد الینه
بولمورم هاردا وریبلر سنی نامرد الینه
هانکی باشه بوبلالر سنه قربان گلدی
.
.
دئدی راهب من حسینم سوزی سوزان ائلرم
بوگجه دیری سنه روضۀ رضوان ائلرم
اتدیگین خدمتی محشرگونی جبران ائلرم
باخما احوالیمه هر مشکلی آسان ائلرم
دئمه ظاهرده باشیم دیریوه بی جان گلدی
.
.
گوزومه باخسان اگر واقعا اهل نظرم
سیر عرفان ادرم نیزه لر اوسته گزرم
عاشقم عشق یولوندا نه غم اولسا دوزرم
اشکیلن مجلس ماتم زدگانی بزرم
بیزدن عیسی الینه میته درمان گلدی
.
.
بواوزون یولاری بیر عالی مرامه گئدیرم
خسته حجاج کیمین بیت الحرامه گئدیرم
کربلادن گلورم مرکز شامه گئدیرن
بوکسیک باشلاریلان شامه قیامه گئدیرم
منه خاطر بالالاریم یولی نالان گلدی
.
.
دئدی گر مورد تائید اولا مولا عملیم
ایکی عالمده اولار منسب بین المللیم
یازمنیمده آدیمی غم یولونی منده گلیم
بیرده عفوایله حسین جان قانیوا دگدی الیم
قان نه قان آخدیقجا جلویه قرآن گلدی
.
.
گجه نی ناله ائدیبدور بالالارین یارالی
آغلادیبدور بالالار ئوز آنالارین یارالی
بولمورم قمچی گوردیب هارالارین یارالی
قان وئریب سسلری گلجک یارالارین یارالی
«واصفین» سوزلری بوباره ده سوزان گلدی
.
.
.
#دیر_راهب
#راهبین_دیرینه_بیر_جمع_پریشان_گلدی
#واصف_مرندی
#ترکی
.
✍️ #زبدةالاشعار ✍️
.
?: @nohe_torki

متن پیشنهادی:  عید مبعث دور آچوب گل گلشن و گلزاره باخ #پیامبراسلام_نادری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی