فی التوحید
✍️ زبدة الاشعار ✍️
?: @nohe_torki
حاج اصغر فرشچی (عدلی تبریزی)
رحمت یزدانه باخ مشکل نه آسان ایلوری
گلشن پژمرده نی آنی گلستان ایلوری
جویبار رحمتیندن رزق خوردی انس و جان
کون و عرشی ذیحیاته چون شبستان ایلوری
مزرع دیلده گورور آب حیاتی چون وجود
غنچۀ گلزار جسمین باغ و بستان ایلوری
فکر و تن گاهی سلامت گه ایدور جسمی نحیف
گه وجودون ملکونی عدلیله میزان ایلوری
اوج اعلایه چاتوردور گه سالور گویدن یره
توپراق آلتین مسکن و خاکیله یکسان ایلوری
گه ثریایه یتوردور آه و شیون ناله سین
گاهی خوان نعمته دنیانی مهمان ایلوری
گه موفق امریده آفاقیده مشهور ایدور
گاهی زرّین تخته صاحب گه سلیمان ایلوری
گاه ایلور شرمسار و گه بغیشلور زور و زر
خلقت ایوانینده گاهی اصل صِنْوان ایلوری
آب و گِلدن صورت آدم یارالدور ابتدا
آدمین شکلینده حوّا خَلق انسان ایلوری
قدرتین ظاهر ایدور ابداع انس و جنّیده
گه دیور کن فَیکن قدرت نمایان ایلوری
منجنیقه گه قویور اوز سویدوقی پیغمبری
گه خلیله آتش نمرودی رضوان ایلوری
گاهی یوللور مثل موسی دعوته فرعونلاری
اولدوقی الده عصاسین مارُ ثعبان ایلوری
گاهی تار عنکبوت سدّ ایلوری محبوبینه
منع ایدور شَرّ عدونی غاردا پنهان ایلوری
پرورش ویرسون یتیمی تا کمالاته چاتا
خلقه واجب طاعتین اُمّت مسلمان ایلوری
جانشین تعیین ایدور قرآن و دینون حفظینه
علمه دارا هر بیری تفسیر قرآن ایلوری
دورد و سگّز دور ائمّه پیشوای اهل دین
غیری بدعت دی قویولسا قلبی سوزان ایلوری
سای علی تا عسکری اون بیر امام نور خدا
آخری غیبتده دور ایل لردی دوران ایلوری
بیر مین و یوز یتمیش آلتی ایلدی غیبتدن گچور
« #عدلی نی» بوغیبتینده مات و حیران ایلوری
#پندیات
#مناجات
#رحمت_یزدانه_باخ_مشکل_نه_آسان_ایلوری
#عدلی_تبریزی
#ترکی
✍️ #زبدةالاشعار ✍️
?: @nohe_torki
نظر دهید