زبانحال حضرت صغری (س)
.
✍️ زبدة الاشعار ✍️
.
🆔: @nohe_torki
.
حاج علی جعفری زنجانی
.
.
رحم ائله الله منه شهزاده اکبر گلمدی
قدّیمی غمدن بوکن شبه پیمبرگلمدی
.
.
اکبرین آدی گلورصغرانین آرتورمحنتی
حسرتیم واردی گورم بیرده اوماه طلعتی
کیم گلردیداریمه کیم ایلراکبر صحبتی
ایلدی دنیااونی مندن مکدر گلمدی
.
.
نسخه می لقماندایازساناروادی دردیمه
خاک پای اکبریم ئوپسم شفادی دردیمه
دردیمین یوخ چاره سی چاره دعادی دردیمه
اکبریم هارداقالوب الله اکبر گلمدی
.
.
چوخ اذان وقتی قولاق ویرّم همیشه سسلره
روحیم عادت ایلیوب ازبس اوصوت دلبره
لحن داوودی وئروب خلاق اکبر،اکبره
لحن داوودی گوزل حسنی پیمبرگلمدی
.
.
بیرگلایم واردی اماایلیوم کیمدن گله
حاصلِ عمری بوهجران ویردی خرمنده یله
سختیدی بوآیریلیق صغرایه الله رحم ایله
قدیمی غمدن بوکن سرو صنوبر گلمدی
.
.
اکبریم گئتدی آپاردی صبریمی اجلالیمی
آلتی آیدی بیرنفریوخدی سوروشسون حالیمی
نیلرم قبره آپارسام دلده کی آمالیمی
گوزلریم یولاردا قالدی آل حیدرگلمدی
.
.
نیلیوم مدّتدی رؤیادن گوزوم مهجوراولور
آغلاماقدان گوزلریم اکبرجانی بی نور اولور
هانسی بیمارین منیم تک خاطری رنجوراولور
منتظربیرخواهرم نیلوم برادرگلمدی
.
.
اکبریمین سایه سینده اِئللره اولدوم عزیز
اولمیوم آیانجه اکبرغمینده اشک ریز
افتخارایلرباجی قارداشینااولسا کنیز
نعمت عظماالیمدن گئتدی آخرگلمدی
.
.
گورموشم رویاده یکسرکربلا برنامه سین
گیدیریب لیلانین عمم اگنینه غم جامه سین
اکبرین خنجربولوبدی باشداکی عمامه سین
یاره سین سایدیم شماره زخم پیکرگلمدی
.
.
اکبریم گرسالم اولساحالیمی حتما بیلر
یامنه بیرنامه یولار یائوزی بیریول گلر
باشیمه بیرال چکرگوزیاشیمی گوزدن سیلر
لااقل ئولسم دئمم گئتدی اوسرورگلمدی
.
.
«جعفری»گلدی خانم اول یثربون دیدارینه
نوحه خوان اولدی بقیعده فاطمه زوّارینه
قبریوه یوزقویمادی یوزقویدی غم دیوارینه
قبرین اوسته قویمادی دشمن بونوکرگلمدی
.
.
.
#حضرت_صغری #جعفری_زنجانی
#رحم_ائله_الله_منه_شهزاده_اکبر_گلمدی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید