زبانحال حضرت امام حسن (ع)
#گریز #کوفه
.
.
مرحوم غلامرضا اسماعیل پوران (هادی تبریزی)
.
.
رحم ایتمدی دشمن دل سوزانیمه قارداش
گل زهر جفا سالدی شرر جانیمه قارداش
.
.
سن ، من ، بابامیز، ائتمه میشوق فکر ریاست
بسدور قویولوب باشیمیزه تاج ولایت
امّا نیه باطل ایلیه حقّه خلافت
باد غم اسه غملی گلستانیمه قارداش
.
.
هر قدر ایده اؤز قدرتینی معاویه تحکیم
من باطله هاردا اَیوب اَیَّم سرِ تسلیم
تنظیم اولوب علّت اودی برنامۀ قتلیم
تا خاتمه وئرسون شب هجرانیمه قارداش
.
.
اشخاص دو رنگ ایلدی عالمده خیانت
گه حقّه گهی ایلدیلر باطله بیعت
قویموب یاتا عالمده مسلمانلاری راحت
گویِ غم آتور تا دگه چوگانیمه قارداش
.
.
تزویریله بیر عدّه گیوب جامۀ ایمان
هر یانه گیدور باشلیوری صحبت قرآن
بو عده حسینیم آتاجاقلار سنه پیکان
ویرماز ولی بو دیدۀ گریانیمه قارداش
.
.
گر چه دگه جاق جسمیوه قارداش سنون اوخ چوخ
سانما که شباهت سنه بو خسته دلین یوخ
قوی نعشیمه تابوتیده ویرسونلا منیم اوخ
توهین ایده لر پیکر بی جانیمه قارداش
.
.
بولَّم که حسین ، سن کیمی محنت چکن اولماز
لب تشنه و آزاده و مظلوم ئولن اولماز
تابوتیده امّا قانا باتسون کفن اولماز
امّا باتاجاقدور کفنیم قانیمه قارداش
.
.
حتماً که وفا تخمینی دلده اکه جاقسان
بو قامتیوی بار غمیله بوکه جاقسان
یتمیش اوخی نعشیمدن حسین جان چکه جاقسان
زینب باخاجاق حال پریشانیمه قارداش
.
.
سن دفن ایده جاقسان منِ مسمومی پریشان
شهنازی گئچوب قاسم اوخور شوریله قرآن
آسوده دوتالّار منه بیر شام غریبان
جدّیمده گلر شام غریبانیمه قارداش
.
.
بو سس اوجالار عالم امکانه بسیلمز
گلزاریمه بیر آیری سموم غم اسیلمز
بارماقیم الیم دست جفائیله کسیلمز
گلمز او زمان نازلی بالام یانیمه قارداش
.
.
قلبیم اولونوب گر چه جفائیله شکسته
اوّل گیجه گر چه یاتارام قبریده خسته
یاتماز بو باشیم لیک تنور ایچره کول اوسته
دگمز اودی گل طرّۀ افشانیمه قارداش
.
.
#گریز #کوفه
.
زینب اودی گورسه باشیوی نیزه ده قارداش
سسلر سنه قربان اولا زینب باجون ای کاش
کول اوسته قویولماز اون ایکی یاره دگن باش
نیلوم ولی بو بسته دی پیمانیمه قارداش
.
.
عشقونده بیلورسن منی مستانۀ عشقم
سرمست میِ بادۀ پیمانۀ عشقم
چوخداندی که پرسوخته ، پروانۀ عشقم
شمعیمدی باشون بزم شبستانیمه قارداش
.
.
قرآن اوخی بو قومه که قرآنی اینانسون
بو کوفه لی لر بلکه بو قرآندان اوتانسون
غفلت یوخوسوندان بو یاتان ملت اویانسون
شاید باخا خورشید درخشانیمه قارداش
.
.
توهین ایدوب اسلامه بو گون فرقۀ گمنام
قرآنیله گوندر یارالی عالمه پیغام
عالمده گرک حفظ اولا شخصیّت اسلام
جانیمده منیم وقفدی ایمانیمه قارداش
.
.
#هادی اولوب ایمدی غم عشقیله گرفتار
لطف ایله اونون لیلۀ هجرانینی قورتار
ایله اونی بو ایل یارالی همره زوّار
تا چنگ ویرا اوردادا دامانیمه قارداش
.
.
#حسنیه_شهادت
#رحم_ایتمدی_دشمن_دل_سوزانیمه_قارداش
#حسنیه #هادی_تبریزی
#ترکی
#زبدةالاشعار
نظر دهید