زبدةالاشعار

ره خیامی باغلیوب بساط ظلمی قورمیون #عباسیه_تائب_تبریزی

شهادت حضرت اباالفضل علیه السلام

.
✍️ #زبدةالاشعار ✍️
.
🆔: @nohe_torki
.
#سبک_دل_شب_ایلیوب_سفر … 4 سبک
.

مرحوم تائب تبریزی

.
ره خیامی باغلیوب بساط ظلمی قورمیون
خدنگی سینه مه وورون ولیک مشکه وورمیون
.
.
کسوب قباقی دورمیون بو نوع ازدحامیله
جفازی ایتمیون عیان بو چولده کین تامیله
سکینه انتظاردور سویا غم تمامیله
خدنگی سینه مه وورون ولیک مشکه وورمیون
.
.
بو قدری جور و ظلموزی گتورمیون عیانه سیز
شراره سالمیون بیله جفائیله جهانه سیز
خدنگ ظلمه ائتمیون سو مشگیمی بهانه سیز
خدنگی سینه مه وورون ولیک مشکه وورمیون
.
.
سوسوز قالانلار عترت پیمبر کرام دور
گر اولماسا سو گئتماقیم خیامه ننگ نامدور
نقدر سینه مه دگه خدنگ عین کامدور
خدنگی سینه مه وورون ولیک مشکه وورمیون
.
.
شه حجاز گلشنی ز بس سوسوز قالوب صولوب
گل اوزلی قیزلاری باخوب فراته باغریقان اولوب
قولاق ویرون بیر العطش سسیله خیمه لر دولوب
خدنگی سینه مه وورون ولیک مشکه وورمیون
.
.
کمال اهتمامیله بو گون شریعه آلمیشام
سو ایچمیوب حسین سیز دله شراره سالمشام
آتوب هامی خیالیمی سو فکرتینده قالمیشام
خدنگی سینه مه وورون ولیک مشکه وورمیون
.
.
دیمم که ظلمیله بو گون اولوب قلم ایکی الیم
قویون ویروم سوسوزلارا سو مشکینی گینه گلیم
تمام سعییم اوردادی بوش اولماسون سودان الیم
خدنگی سینه مه وورون ولیک مشکه وورمیون
.
.
بو پیکریم اگر چه چوخ منیم جریحه دار اولوب
نقدر یاره قان ویره بو قلب کامکاردور
سو آخسا مشگیدن ولی چتیندی ناگوار دور
خدنگی سینه مه وورون ولیک مشکه وورمیون
.
.
او دم که خیمه گاه دن فراته قویموشام قدم
آلوب سو وعده سی سالوب یولا بنات محترم
روا دگول بو عرصه دن خیامه من سوسوز گئدم
خدنگی سینه مه وورون ولیک مشکه وورمیون
.
.
بسان غنچه صولدوروب سوسوزلوق اصغرین یوزون
گوزل آناسی دولدوروب یانور ایتیرمش اوز اوزون
دولی سو مشگی گوزلوری تیکوب یولا دولی گوزون
خدنگی سینه مه وورون ولیک مشکه وورمیون
.
.
گلنده گورموشم اوزوم صولان سوسوز دوداقلاری
آلاندا مشگی ایتموشم امیدوار اوشاقلاری
سو انتظارینی چکر سکینه نین قوناقلاری
خدنگی سینه مه وورون ولیک مشکه وورمیون
.
.
سو مشگین اوخلاماقدا سیز بو قدر همّت ائتمیون
امانت سکینه دور اونا خیانت ائتمیون
بنات تشنه کامدن منی خجالت ائتمیون
خدنگی سینه مه وورون ولیک مشکه وورمیون
.
.
سوسوز بناته ساقی ام بُلورسوز ای گروه پست
حیاتی نیلرم داخی سو جامیم اولسا گر شکست
بیر اوخ اوتورسا مشگیمه مین اوخ ائدر دله نشست
خدنگی سینه مه وورون ولیک مشکه وورمیون
.
.
بیر عمر آغلا «تائبا» سن اول جهاندا دیده تر
یانقلی قلبون ائتگیلن خدنگ محنته سپر
دوباره یاز بو مصرعی بو سوزده واردی چوخ اثر
خدنگی سینه مه وورون ولیک مشکه وورمیون
.
.
#عباسیه_شهادت
#ره_خیامی_باغلیوب_بساط_ظلمی_قورمیون
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بو گونین مثلنده، شیعه ابن ملجم کوفه ده #حیدریه_طوری_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی