معجزۀ چادر شب حضرت زهرا (س)
مسلمان شدن عده ای یهودی
#گریز #قتلگاه
.
✍️ زبدة الاشعار ✍️
.
🆔: @nohe_torki
.
مرحوم علی اکبر حامدی تبریزی
.
گلور خیالیمه بیر قصه اسف انگیز
دوام ایتمز اورک بیله حسرته هرگز
.
روایت ایلین علّامه دور همین بو سوزی
سوزی دیه دیه وئردی نشان محلین اوزی
.
اوزی خبرده مسلطدی هر بد و خوبه
ویروبدی نسبتینی ابن شهر آشوبه
.
گلوبدی بیر گون ائوه شهریار ملک وفا
دئدی طعامه گمانین گلوری یا زهرا
.
کمال خجلتیله سویلوب ای شه دوران
حضوریوه گتورم بیر زادا یوخومدی گمان
.
اوشاقلاریمدا اوزیمده آجام جعلت فداک
اوزون علاج ایله قویما عیالیوی غمناک
.
آلوب او وقتیده چادر شبین او کنز غمین
شراره سی سونه دللرده بلکه بو اَلَمین
.
یهودینین ایوینه گلدی میر ربّانی
لحکمته اونا فاش ایتدی بو قضایانی
.
قویوبدی فاطمه چادر شبین او یرده گرو
معاش ائتماق ایچون بیر قدر آلوبدور جو
.
قیتدی منزله مسرور حال و چوخ دلشاد
اولا بالالاری تا قید جوعیدن آزاد
.
غروبه گون یتوب آفاقی چولقادی ظلمت
اولوب شب عالی و ادنا هامی یاتوب راحت
.
یتوبدی نصف شب عالم اولوب سراسر تار
اولوب عیالی یهودینین اول زمان بیدار
.
او حجره که واریدی معجر بتول اوردا
گوروب او حجره دن افلاکه نور اولور پیدا
.
دوشوبدی حیرته یکباره ایلینده نظر
علاوه نور گلور گوردی عطر مشک و عبر
.
ایدوبدی صاحبین اول وقته خوابیدن بیدار
نه یاتموسان دیدی دور بیر مهم مطلب وار
.
گوروبله نور اوجالور آسمانه پی در پی
او دم حقیقت زهرایه تا آپاردیلا پی
.
او دم ویروبله هامی خویش و اقربایه خبر
او نوری گورماق ایچون خویش و ایل گلوب یکسر
.
گورن او حالتی ترک ایتدی فورا آئینین
قبول ایلدی تا که پیمبرین دینین
.
مشرّف اولدی نچه خانواده اسلامه
بلی کرامت زهرا یتیشمز اتمامه
.
روادی گور بو جلال و بو شأن صاحبینی
سالا فشاره عدو آرتورا مصائبینی
.
آتاسی ئولدی سالوب محنته او غم زده نی
پیمبرین قوروسون ثانی قویمادی کفنی
.
او در که قابض الارواح اذن آلوب اوندان
همان او درگهه اود ووردی فرقۀ عدوان
.
قاپی دالیندا دایانموشدی دختر طاها
هجوم دشمنی سد ایلیه او مام بلا
.
او پشت درده نه صدمه یتوب خدا بُولدی
بو قدر وار که دئدی فضه گل بالام ئولدی
.
جنینی بیر طرفه دوشدی بیر طرفده اؤزی
نه حاله قالدی او مخدومیه دوشنده گوزی
.
بتولی حجّت حق گوردی قانینه غلطان
رواندی سینه سینین قانی یا امام زمان
.
نه حاله قالدی دیه بلمم ای شه کونین
ولی بو سرّی بلر کربلا غریبی حسین
.
نچون او شهده گوروب شمر الینده محرمینی
سالاندا یادیمه قان آغلارام بو بیر غمینی
.
آچاندا دشت بلا ایچره قان دولان گوزینی
گورنده زینبی یادّان چخاتدی اؤز اؤزینی
.
امام امر ایلیوب خیمه گاهه گئتدی او زار
ولی تیکوب یولا گوز «حامد» ایمدیده آغلار
.
.
.
#فاطمیه_شهادت #گلور_خیالیمه_بیر_قصه_اسف_انگیز
#روایت_ایلین_علامه_دور_همین_بو_سوزی
#فاطمیه_حامد_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید