درتعاریف حضرت زهرا سلام الله علیها و شهادت آن بانوی دو عالم
.
✍️ #زبدةالاشعار ✍️
.
🆔: @nohe_torki
.
محمد وهابزاده ( عیار اردبیلی )
.
روح خلقتده مطهّر یارانان فاطمه دی
پیکر عاطفه ده جسمیله جان فاطمه دی
.
اولین صُنع خداوند جهان فاطمه دی
ظاهراً آدم و حوّا بشر اَوّلدی
.
.
مطمئنم که خانمدان صورا آدم گلدی
نام صدیقه نی اولده یازوب حضرتِ حق
اولوب اوقات فراغتده بو هم صحبت حق
جبرئیل گوش به فرمانیدی در خدمت حق
یرده زهرا تانینار گویده آدی منصورا
فضه نون رتبه سینون گردینه چاتماز حورا
.
.
نقدر شخصیتیندن یازیلوب کم گلدی
مکتب عصمتینه حضرت مریم گلدی
عشقینون وسعتینه شیعه مقدّم گلدی
خوان عصمتده اولان ریزه خوری آسیه دی
سورۀ کوثر اونون مدحینه بیر حاشیه دی
.
.
وزن اجلالینی عاجزدی چکه میزانلار
کج گئدوب امت اسلامیده بی وجدانلار
دئدی قرآندی سوزوم سیزلره بی ایمانلار
نام زهرا چیلری فاطمه قاندان یازدی
شیعه نین خطینی زهرا او زاماندان یازدی
.
.
روح ایثار بدهکار خانم زهرادی
الینه بوسه ویران گونده خودِ طاهادی
فدکین خطبه سی اوستونده نه گور غوغادی
دست خیبر شکنی کیمدی آچان؛ فاطمه دی
تخت بوبکری یخان کیمدی همان؛ فاطمه دی
.
.
کوچه ده سوز یوخ اونون عابری آزار اولدی
عرض و طولینده سوزیم وار نقدر دار اولدی
شمر گوداله گیروب ثانیه همکار اولدی
ضرب سیلی که دگوب فاطمه نقش اولدی یره
سیندی گوشواره دوشوب کوچه ده پخش اولدی یره
.
.
دست ابلیس ائدوبدی قاپونی دَقُ الباب
ناسزا و لگد و عربدۀ قوم خراب
هیزم کینه یغان شخصه اولا لعن و عذاب
اود دوتوب باب ولا بیت شرافت یاندی
زخم چرکین باش آچوب مرکز عصمت یاندی
.
.
ابن تیمیۀ جاعل غلط اخباری یازوب
آییلون کج گئدن امت نئجه گور مُفتی آزوب
سوز شهادتدی که رحلت یازان ارزان اوتوزوب
قلب زهرانی سوکوب اوخ آدی مسمار اولدی
قاتلی ثانی و مقتل در و دیوار اولدی
.
.
#فاطمیه_محمد_وهابزاده
#فاطمیه_مدح #فاطمیه_شهادت
#روح_خلقتده_مطهر_یارانان_فاطمه_دی
#ترکی
.
✍️ #زبدةالاشعار ✍️
.
🆔: @nohe_torki
نظر دهید