روز عاشورا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم نادری میانجی
.
روز عاشورا اولوب بر پا قیامت زینبه
گلمیشوخ تا عرض ایداخ بیز سر سلامت زینبه
.
.
اکبرین نعشی گلنده خیمیه شاه هدا
اوغلونون پیشوازینه چون زینبی ایتدی ندا
زینبون اولسون سنه هم اوغلوا قارداش فدا
قاره اوستن قاره سالماخ اولموش عادت زینبه
.
.
نعشین اطرافین آلوب شیون ایدوب اهل حرم
خیمه دن ناله گلور اوغلی ئولن لیلا منم
شامیلر هل من مبارز سسلنوللر دم به دم
کسدی هر یاندان امیدین یوخدی طاقت زینبه
.
.
قتلگهدن سس گلور ادرکنی قارداش یالقوزام
سالدیلار قولاریمی دشمن ایچینده قولسوزام
تیز یتیش فریادیمه بیر صبحه قالمش اولدوزام
یوز ویروب بو وقتده بیر اوزگه حالت زینبه
.
.
گوردولر ابر بهاران تک گوزی دولموش حسین
رزمگهدن تک گلور قدی کمان اولموش حسین
زینب عرض ایتدی منیم قارداشیمه نولموش حسین ؟
خیمۀ عباسی ایتدی چون اشارت زینبه
.
.
بولدی منظور حسینی نیلیوبدور قوم کین :
صاحب خیمه ئولوبدور سال بو خیمه اورتوگین
جام النده تشنه قیزار اولدی مأیوس غمین
آز قالوب یتسون داخی وقت اسارت زینبه
.
.
ای بالا نازی چکنلر آغلاشوب قیزلار تمام
آز قالوب ظهره او گون آخر وداع ایلر امام
شور غوغا ناله شیون بیر قیامتدور خیام
خیردا قیزلارون حسین ویرد ی امانت زینبه
.
.
بیر اوقدری گچمدی کرب و بلا طوفان اولوب
گون دوتولدی یللر اسدی قانلی بیر عصیان اولوب
گوز گوزی گورمیر یقین بو چولده ناحق قان اولوب
دوره سین قیزلار آلوبدور یوخ فراقت زینبه
.
.
اَل آمان الله نه گوردیله عمر سعد دغا
آت سالوبدور خیمه گاهه دالدا قوم اشقیا
سسلنوب ئولدی حسین سال باشوه زینب قرا
گلمیشم تا من ویرم ایندی بشارت زینبه
.
.
ای علی دردانه سی زینب دا قیلدی شوکتون
تاجدارون گیتدی الدن کوچدی زینب عزّتون
دور خانملیق باشه چاتدی باشلانوبدور ذلّتون
یاره اوستن یاره لر اولدی شمادت زینبه
.
.
«نادری» غارت گونونده روح حیدر آغلادی
صف چکوب غارت ایدن غارتده لشگر آغلادی
اود ویروبلار خیمه گاهه نعش اکبر آغلادی
اولمادی ایتسون او گون بیرکس حمایت زینبه
.
.
#غارت_خیام #نادری
#عاشورا
#روز_عاشورا_اولوب_بر_پا_قیامت_زینبه
#ترکی
.
✍️ #زبدةالاشعار ✍️
.
🆔: @nohe_torki
نظر دهید