زبانحال حضرت معصومه(س) با امام هشتم درحال احتضار»
#گریز به #زینبیه_شهادت
.
✍️ زبدة الاشعار ✍️
.
🆔: @nohe_torki
.
محمد علی مصیبی تبریزی
.
ریاض قُمدا باجون دلده یاره جان وئروری
بهارِ عمرینه پیکِ اجل خزان وئروری
.
چوخ ایستیور کی ئورک سرّینی سنیله آچا
ولی بو گوزیاشی قارداش مگر امان وئروری
.
خیال طوسیله چیخدیم مدینه شهریندن
قضا ولی بو دیاری منه مکان وئروری
.
مگر بئله دگوری ضامن غریبان سان
نه دن باجون بو مکاندا غریبه جان وئروری
.
سوزوم فلکده دی کی ؛ چلّۀ کمانینده
خدنگ غربته بو قلبیمی نشان وئروری
.
غروب وقتی غروب ایلورم غریبانه
ازلدن آتش غربت بو مُلکه سان وئروری
.
گلوب تلاطمه گوز کاسه سینده موج مُحَن
سرشکِ تر یرینه لخته لخته قان وئروری
.
محبت ایله گل آل باشیمی دیزین اوسته
گولون،خزانیده باخ گور نه امتحان وئروری
.
باسوب ئورک باشینا نامه وی وفالی باجون
هُمای روحینه پیک غم آشیان وئروری
.
خزانِ باغیده صولمیش بو لالۀ زرده
نه بیر نسیم اسوری، دل نه باغبان وئروری
.
بوکوبدی قامتیمی داغ و حسرت دیدار
خدنگ غصه اگوب قدّیمی کمان وئروری
.
چوخ ایستورم گینه مخمور عطر وصلین اولام
خیال عطر وصالین منه توان وئروری
.
همین بو سوز و گدازی ائشیتدی گوش فلک
او دم کی زینب ائلیندن آرالی جان وئروری
.
دوشوب شماریه یورقون نفس لری خانمین
ریاض عمری شمیم غم و خزان وئروری
.
دیوردی هر دم حسینیم هایانداسان ؛ تئز گل
اجل مهابتینی زینبه نشان وئروری
.
غریب یئرده ئولوم جامینی باجون ایچوری
فلک دوباره بو شامی منه مکان وئروری
.
همین بو شامیده خورشیدعشقیم ائتدی کسوف
دولاندی گون گینه جبرین حسین ؛ عیان وئروری
.
او قانلی کوینگون آغوشه چکمیشم ؛ یارالی
بو پیرهن تن بی روحه تازه جان وئروری
.
حسین چوخ ایستوری گویلوم بوصون نفسده گورم؛
مقابلیمده ابوالفضل بیرده سان وئروری
.
باسام او پارچالانان باشی داغلی سینیه من
گورَم کی اوخلی گوز آیا دوباره قان وئروری؟
.
اودم دیئم باجون اولسون یارالارون نئجه دی؟
گورَم نه پاسخ او سردار قهرمان وئروری
.
بلا چولونده گزور روحیمین هُماسی حسین
همان او یر کی علی اکبرین اذان وئروری
.
همان او یر کی دیئنده کیم العطش سوزونی
جواب او نالۀ جانسوزه اوخ آتان وئروری
.
همان او یر کی او یرده آتاندا حرمله اوخ
بوغازینی علی اصغر اوخا نشان وئروری
.
همان او یر کی عدو اود ووراندا اخیامه
نوای وا اَسفا گویده قدسیان وئروری
.
اولور گوزومده مجسّم زمان غارت ؛ حسین
او دم کی حمله سسین شمر بدعنان وئروری
.
شل اولموشون الی دگدی رقیّه نین یوزونه
چیخاندا جانی ده گوردوم قولاغی قان وئروری
.
خرابه ده بالاوی قویموشام مزاره ئوزوم
باجون وفاسینی ایندی اونا نشان وئروری
.
یورولما هرنه قَدَر عمر وار «مصیّب» یاز
مقابلینده جزا حیّ لامکان وئروری
.
.
.
#حضرت_معصومه_شهادت
#ریاض_قمدا_باجون_دلده_یاره_جان_وئروری
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید