شهادت حضرت علی اکبر علیه السلام
.
✍️ زبدة الاشعار ✍️
.
🆔: @nohe_torki
.
محمود صادری ( پارسا )
.
زلفون آلتندا قالوب صورت زیبا گوزلیم
ایله بیر پرده دور مهر دل آرا گوزلیم
.
.
زلف پر چینون اولوب نوک جداده برهم
ایله برهم که ایدوب نظم جهانی در هم
بوزدی یا گلدی اتورموش بیله قاندان شبنم
قطره قطره دوزولوب لوء لوء لا لا گوزلیم
.
.
رشته زلفون او گوندن که الیمدن اوزولوب
قطره قطره باشون قانی عذاره سوزولوب
گوئیا شدّه مرجاندی جبینه دوزولوب
درّ غلطانیدی یا گوهر یکتا گوزلیم
.
.
آی یوزوندن او گوزل طرّه لری ایله کنار
شب دیجور کیمی دوتمیا بو عالمی تار
بو سفرده بو مبرهندی منه اهل نقار
سعی ایدر گوندوزوم اولسون شب یلدا گوزلیم
.
.
زلف شبرنگون او گل صورته افشان اولالی
زلفین آلتیندا گوزل طلعتی پنهان اولالی
آناوون اشگی عذارینده اوغول قان اولالی
اودلانان قلبه الوب سرّ سویدا گوزلیم
.
.
مه یوزون نوری جدا اوسته ظهور ایلیه لی
شام ویران یولونی مطلع نور ایلیه لی
من کلیمه بو چولی وادی طور ایلیه لی
چشم دنیا گوره بیلمز بیله سینا گوزلیم
.
.
باشون نوری ایدوب نیره باشین نخله طور
لمعه لمعه ایدوری نور جمالوندا ظهور
غم کلیمون تاپالی محضروه فیض حضور
قان اولان قلبده آرتوبدی تجلاّ گوزلیم
.
.
گوزلیم گوزلریم اولسون گوزوون قربانی
باخا هر گوز یوزیوه یاده سالار طاهانی
باخ او قانلی گوزیله گور بیر آنان لیلانی
گورنه ایتمش اوزونی محو تماشا گوزلیم
.
.
نیزه باشین بیزه محراب نماز ایلموسن
حقّین اهلین اوزیوه محرم راز ایلموسن
سر کوینده منی اهل نیاز ایلموسن
ناقه اوستی آناوا اولدی مصلّا گوزلیم
.
.
یو سفیم مصر ملاحتده جهانین گوزلی
خلقی پیغمبر اوزی وارث اوصاف علی
بیله حسنون داخی اولماز بو جهاندا مثلی
مین بیله عالم اولا مین بیله دنیا گوزلیم
.
.
باشون اگ نیزه باشندان منه ای روح روان
حسرت انگشتیمیله شانه وروم ای منه جان
او زماندان که باشون ایله دیلر زیب سنان
گورمیوب شانه نه چون زلف چلیپا گوزلیم
.
.
نازنینیم او گوزل گوزلریله ایله نگاه
گور نجه گوندوز اولوبدور گوزیمه گوزده سیاه
باشون آردینجا سورونّم بیلورم خواه نخواه
بو سورونماق ایدر عزّتلره دارا گوزلیم
.
.
ای اولان آیینه اوز جدّینه سیماسی گوزل
«پارسانین» بولوسن واردی تمنّاسی گوزل
مغفرت لطف ایلیه خالق یکتاسی گوزل
اولا آباد اونا دنیائیله عقبا گوزلیم
.
.
#اکبریه_محمود_صادری
#اکبریه_شهادت
#زلفون_آلتندا_قالوب_صورت_زیبا_گوزلیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید