زهرادی سلیل نور عرش ازله #فاطمیه_مصیبی_تبریزی

«سَلیلِ نور»
..
..
مصیبی تبریزی
..
..
زهرادی سَلیل نور عرش ازله
بیر آینه دی شاکلۀ لم یزله
.
ایستور قلمیم وصف ائلیه قامتینی
سررشتۀ مطلبیم گرک گلسون اله
.
قدقامت هستی خانمین قامتی دور
علتدی وجودی خلق شمس و زحله
.
بوکدی ولی قامتین جفای ثانی
حاشا بوکولن قامتی بیرده دوزله
.
انصافیدیمحشرگونونین شافعه سین
دنیاده بئلین جور و جفادن بوکَلَه
.
انصافیدی زهرایه پناه اولسون علی
بیر کوچه ده امّا دایانا ایش جدله
.
انصافیدی تاریخیده بیله یازیلا
مسمارامان وئرمَدی زهرا گئج ئوله
.
هم هجمۀ دردن یارالاندی بدنی
هم محسنی بطنونده اولوبدور قَتَله
.
اوباش ِسقیفه ئورگین قان ائلیوب
بیر دادرسی اولمادی فریاده گله
.
حتی ئوز ائوینده آغلیا بیلموردی
مأوا اونا بیت الحزن اولموشدی هله
.
آیا نه روادی گلشن عصمتده
بیرخارجفا،چاک ائده گول جسمی بئله؟
.
آیا نه روادی مظهر صبر و وقار
ئوز رحلتینه ایلیه بیله عجله؟
.
آیا نه روادی ملکوتین شرفین
بیر نیمۀ شب یدّی نفر دفن ائده له؟
.
سیلی یرینی وئرسه نشان محشرده
چوخلار یاناجاق نار جحیم ثقله
.
گیزلین قالاجاقدی مرقدی فاطمه نین
تا پردۀ غیبی یوسفیندن چکله
.
زهرا بالاسی کعبه ده تا ظاهر اولار
الیاسیله عیساده اولالّار نزله
.
قحّافه نین اوغلون چیخاداللار یردن
هم ثانی اولار دعوت او جنگ وجدله
.
ئوز قوردیقی اوتلاردا یاناندا ایکیسی
خاکسترین ای کاش بقیعه سپه له
.
تا هم اوجالا بانگ اناالمظلومه
هم قامت بشکستۀ زهرا دوزله
.
عقباده«مصیّب»؛عوضین حق وئره جاق
وصفین خانمین کیمسه گتورسه غزله
.
.
#فاطمیه_مدح
#فاطمیه_شهادت
#زهرادی_سلیل_نور_عرش_ازله
#مصیبی_تبریزی
#ترکی
#زبدةالاشعار