در شهادت حضرت زهرا سلام الله علیها
.
.
#سبک
.
.
حاج اصغر فرشچی ( #عدلی_تبریزی )
.
زهرای معصومه ترک ایلیوب جهانی
آناوای صداسی دولدوردی نه قبانی
بالا طویی گورمدی
محسنه سود ویرمدی
.
خدا خدا خدا مظلومه دی زهرا
.
.
.
رسالت گولیدی خار الینده سولوبدی
بابا سیندان صورا قلبی قانا دولوبدی
قاپوسی یاناندا هر نه اولان اولوبدی
قانلی درو دیوارمیخ در دور نشانی
پشت دره یخلدی
قلبی غمه سخلدی
.
خدا خدا خدا مظلومه دی زهرا
.
.
.
پیغمبردن صورا امتی پارچالاندی
علینون حقنی بخ دیین لر داندی
غم آلدی قلبنی غم اوسته غم قالاندی
گورودولر بابالار هرگون سولورآنانی
قلبنده غم یاراسی
حسینون ماجراسی
.
خدا خدا خدا مظلومه دی زهرا
.
.
.
.
بغض و کینه الی آچیلدی باغبانه
ایکی تیره ثانی بیر قلب ایدوب نشانه
اَلی اَیسَر ویردی سیلی هم تازیانه
نیلی گون ایلدی ایکی رخِ زهرانی
ثانیدی باعث اولدی
اورگی قانه دولدی
.
خدا خدا خدا مظلومه دی زهرا
.
.
.
آزعمرونده آچدی قرآن ودینه مکتب
اورگددی نسوانه درس حُجب ودیانت
لَیلَتُه القَدر تک بولمدی قدرین اُمّت
بهار عیشینه اسدیر دیلر خزانی
دوشدی آخر نفسدن
روحی اوچدی قفسدن
.
خدا خدا خدا مظلومه دی زهرا
.
.
.
باب وحی اودلانوب شهیداولدی بالاسی
یوز کبود سینه ده واردورمسمار یاراسی
سودی قانه دونوب بولمیه کاش آتاسی
گیدورخسته روحی اولسون آتا مهمانی
هیچ گل بوتک سارالماز
یارالاری ساغالماز
.
خدا خدا خدا مظلومه دی زهرا
.
.
.
نصف شب گزلینده زهرا گیدوبدی قبره
یتیمه قزلارون اشکی دونوبدی ابره
دعوت ایلورعلی بش بالاسینی صبره
خلوتده آغلوری هرغم یتن زمانی
واردور غم نهانی
چاهه ایدور بیانی
.
خدا خدا خدا مظلومه دی زهرا
.
.
.
عزّ و شأن زهرا دهریده جاودانه
ذکر مصیبتی دل لره غم ترانه
اجری وارنوحه سین یازانه نوحه خوانه
لطفونی گوره جاق حشریده شیعیانی
«عدلیده» نوحه خواندی
آغلیوب آغلاداندی
خدا خدا خدا مظلومه دی زهرا
.
.
.
#فاطمیه_شهادت
#زهرای_معصومه_ترک_ایلیوب_جهانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید