در مدح و منقبت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
سید آقا بانان خجسته
.
زهرا آدی اورکلره روح و صفا وئرر
بیر کیمیادی عالم خیر و عطا وئرر
.
زهرا آدین بوشعره سرآغاز ایلورم
چون اسم پاکی دللره شهد و شفا وئرر
.
دردانۀ یگانۀ طاهادی بی گمان
زهرایه أم أب لقبین مصطفا وئرر
.
گرد غم و مصیبتی دلدن بوتون سیلر
آیینۀ وجوده آدی انجلا وئرر
.
کفو على دی گورنه جلال و مقامی وار
ارزش بیله مقامینه حیّ علا وئرر
.
زهرادی علّت شرف جمله ماسوا
عزّت تمام عالم خیرالنسا وئرر
.
بیر درّ دور خانم حرف عصمته یقین
صرّاف روزگار بو دُرّه بها وئرر
.
بیر تار موینی ایکی دنیایه وئرمرم
بو تار مویه قدر و بها مرتضی وئرر
.
نقش ایتمیشم محبّت زهرانی قلبیده
ارزش بیله محبّته آل عبا وئرر
.
اکسیردور محبت زهرای مرضیه
سینمده دور محبّتی عشق ولا وئرر
.
بزم غمینده سینه می هر لحظه داغلارام
بو سینه داغی قلبیمه شوق عزا وئرر
.
بزم عزاده فاطمیه آغلاماق بلی
روحه سرور و لذّت بی منتها وئرر
.
جدّی الیندن اؤپدی بویوردی فدا سنه
اقدام بیله فعله فرمان خدا وئرر
.
سندن بهشین عطری گلور جان مشامنه
بو عطردور که روحیمه یکسر صفا وئرر
.
چونکه رضای فاطمه الله رضاسیدور
راضی گر اولسا فاطمه الله رضا وئرر
.
آزار ایلسه سنه هر کیم جهانیده
آزار مصطفایه او کس برملا وئرر
.
هر کس که زیر سایۀ زهرا دوتا قرار
قیمت او شخصه خالق ارض و سما وئرر
.
دارالشّفادی درگاه والای فاطمه
هر دردمنده حضرت زهرا شفا وئرر
.
محبوبۀ خدادی خانم وار کرامتی
دُخت کرمدی سائلینه نو قبا وئرر
.
بیله مقام و شانیله ثانیِ نابکار
درگاهین اودلیوب اونا بی حد جفا وئرر
.
ریحانۀ رسول خدانین وجودینه
إیذا نقدر گور ستم اشقیا وئرر
.
عجِّل وفاتی ورد ایلدی بانوی جهان
بوظلم لر نشان غم کربلا وئرر
.
چونکه «خجسته» سائل درگه دی بی گمان
زهرا اوزی جزاسینی روز جزا وئرر
.
.
.
#فاطمیه_خجسته
#فاطمیه_مدح
#زهرا_آدی_اورکلره_روح_و_صفا_وئرر
#ترکی
.
✍️ #زبدةالاشعار ✍️
.
🆔: @nohe_torki
نظر دهید