زبانحال حضرت علی (ع) در شهادت حضرت زهرا (س)
.
✍️زبدةالاشعار✍️
.
🆔: @nohe_torki
.
#مهدی_فعال
.
زهرا خبرون گلدی ییخیلدیم یره دگدیم
قتدندی دیزیم قدیمی بار غمه اگدیم
.
خیبر ییخانیدیم ولی بیر سوزده ییخیلدیم
عمرو ئولدورنیدیم غم دلبرده سیخیلدیم
.
داغلار غم اولوب چیگنیمه ئوز بارینی سالدی
مندن اوخبر تاب قیام ائتماقی آلدی
.
بیر لحظه دوزلدم بئلیمی اولمادی ممکن
دوتدی حسنینون الیمی اولمادی ممکن
.
آدون دوداقیمدا ولی قلبیم دایانوردی
مسجد نه فقط باشیمه عالم دولانوردی
.
مسجددن ائوه قلبیمه غم تیرینی ساچدیم
گلدیم نجه گلدیم گه اوتوردوم گهی قاچدیم
.
آغلوردی یانوردی کوچه لر حیدره زهرا
او سن دوگولن کوچه ده دگدیم یره زهرا
.
اول کوچه منه محنت آینده دی زهرا
بیر کوچه دی هرگون یولوم اوستونده دی زهرا
.
ائوده ئورگیم دولسا گرکدور چیخام ائودن
چیخسامدا او که کوچه سالار یادیمه سنسن
.
منکه بیلورم بوندان آغیر درد و غم اولماز
عالم منه همدم اولا ئوز فاطمه م اولماز
.
دنیا ایکی گوندور بیری دشمندی منیله
اما بیری یولداش منه ;عینا بو دلیله
.
بو گون بیزه ظلم ایلدی گر گردش دنیا
بیرگونده گلر اوغلوم آلار قانیوی زهرا
.
#فاطمیه_شهادت
#زهرا_خبرون_گلدی_ییخیلدیم_یره_دگدیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید