ناله های جانسوز حضرت زینب (س) (1)
.
.
مرحوم یحیوی اردبیلی
.
.
زینبم بیاباندان لشگریمی آختارّام
خیمه لر یانان یئردن معجریمی آختارّام
.
.
هر مکاندا بیر کهنه سقف سیز بنا گورسم
پایه سی شکست اولموش خانه و سرا گورسم
یا حصاری ویرانه قصر غم فزا گورسم
یا خرابه مسجددن هاردا بیر نما گورسم
چون ایتیرمیشم اوردا گوهریمی آختارّام
.
.
بیرده گر یولوم دوشسه کربلا مناسینه
یوز قویوب سورونّم من قتلگاه آراسینه
گوز تیکیب حسین بولَّم زینبین دواسینه
تا قویام قرا مرحم زلفد ن یاراسینه
قان ایچینده صد پاره پیکریمی آختارّام
.
.
پر آچوب اگر گورسم برگ نخل خرماده
قارداشیم بئله بولَّم پرچم ائتمیش آماده
گوزلریم دوشن وقته سرو قدّ شمشاده
نامدار ابالفضلین قامتی دوشر یاده
صاحب علم، غیرت پروریمی آختارّام
.
.
هانسی شاهی گورسم من موکب جلالتلن
دوره سین آلیب لشگر حرمت نهایتلن
پرچمین وزیر آچمیش باشی اوسته عزّتلن
گوزلریم گزر صف صف منتهای دقّتلن
اوردا فضل و عبّاس و جعفریمی آختارّام
.
.
مرده لر اولور زنده حشرده قیام ایلر
لیک روز عاشورا عکس محشره بنزر
زنده لر شهید اولدی دوشدی نعشلر بی سر
گوز یوماندا گورّم من کربلا چولین محشر
کشتگان صحرای محشریمی آختارّام
.
.
گر ملر قوزی گورسم آیریلیبدی مادردن
اؤچیلار قاباقیندا صیدلر اَگوب گردن
بچّه آهو آوازین من ائشیتسم هر یئردن
خردا قیزلارین آلّام سس لرین او سسلردن
چوللره قاچان آهو گوزلریمی آختارّام
.
.
یاتمارام اولون شاهد ای ایشیقلو اولدوزلار
صبح اولونجا سیزلر تک قالّام هر گئجه بیدار
آغلارام یوخوم گلمز بیلمیسیز نه دردیم وار
آی چیخاندا دیسگینّم چون بالام آیا اوخشار
آسماندا مه پیکر اکبریمی آختارّام
.
.
من حزینه قبرستان هاردا رهگذار اولسا
قبرلر آراسینده خورداجا مزار اولسا
اوسته کرپیچی کهنه اؤرتوگی غبار اولسا
شاهزاده قیزدان اول قبر یادگار اولسا
أؤچ یاشیندا جان وئرمیش دختریمی آختارّام
.
.
گر قباقیمه چیخسا ایلدیریم ووران قوشلار
سایۀ مغیلاندا باش قویوب سولان قوشلار
هاردا ایستی دن گورسم جان وئروب یاتان قوشلار
یا دوشوب آغاج آلتدا شهپری سینان قوشلار
خیمه ده ئولن شیرین دیللریمی آختارّام
.
.
قاچدی خیمه دن قیزلار ردّینی گوتوردوم من
بیر به بیر گزوب تاپدیم یانیمه گتوردوم من
تاپمادیم ایکی دیلسیز دختری ایتوردوم من
وار بو قدری ذهنیمده جنگله اوتوردوم من
ایندیده او طفلان مضطریمی آختارّام
.
.
هاردا بیر گلین گورسم زلفینه وورار شانه
آغلارام قرا گیمیش نوعروس نالانه
هاردا تازه داماده فرش ائدرله طوی خانه
قلبیده نظر سالّام حجله گاه ویرانه
قاسم و علی اکبر منظریمی آختارّام
.
.
پای چیخوب خزان وقتی لال اولاندا بلبل لر
تورپاق اوسته پژمرده باش قویان زمان گللر
ترک ائدنده ییلاقی کوچ ائدن زمان ائللر
جلوہ گر اولور اوندا خاطریمده نسگللر
منده تارومار اولمیش ائللریمی آختارّام
.
.
قوشلارین نئجه صیّاد لانه سین ائدر تالان
ائتدیلر او قوشلار تک آشیانه می ویران
آشیانیم اود دوتدی قاچدی چوللره طفلان
من اودور همان گوندن اولموشام بئله نالان
دل شسته مرغان بی پریمی آختارّام
.
.
قمری لر دیوب کوکو سسلننده یاهولر
قرمزی گول اوستونده اگلشنده تیهولر
اصغری سالور یاده بو صدای دلجولر
موج ائدنده دریالر سو ایچنده آهولر
اوندا من فرات اوستن اصغریمی آختارّام
.
.
(1) قسمتهایی از متن ، برای موضوع غارت خیام – کوچ از کربلا نیز مناسبت دارد.
.
#زینبیه #یحیوی_اردبیلی
#غارت_خیام #کوچ_کربلا #کوچ_کربلا_یحیوی_اردبیلی
#زینبیه_شهادت
#زینبم_بیاباندان_لشگریمی_آختارام
#ترکی #پرچم_عزا
#زبدةالاشعار
نظر دهید