زبدةالاشعار

زینبم قارداش حسین قلبی یانان عاشقیوم #کوفه_نخستین

کوفه
.
✍️ #زبدةالاشعار ✍️
🆔: @nohe_torki
.
#سبک_یارالی_جان_یارالی … 4 سبک
.
نخستین اردبیلی
.
زینبم قارداش حسین قلبی یانان عاشقیوم
کوفه و شامی دالونجا دولانان عاشقیوم
.
.
محک عشقیوه صراف اجل چکدی منی
گوردی سرگشته عشقم سنه گوستردی منی
ای آنام فاطمه نون یوسف گل پیرهنی
الی قوینوندا گوزی یولدا قالان عاشقیوم
.
.
هارا گیتدون دیمه دون قتلوون اوّل گیجه سی
قتلگاهون آنام اوغلی او مجلل گیجه سی
نصف شب قانلی بیلکندن کسلن ال گیجه سی
بیلوسن قارداش حسین من نگران عاشقیوم
.
.
هر یره گیتسون اگر ای یارالی باش منه دی
طاقتیم یوخدی منیم هجروه قارداش منه دی
دیمورم دگسه یارالی باشوا داش منه دی
یارالی پیکریوه سایه سالان عاشقیوم
.
.
منی دیندیر آنام اوغلی بو قدر ناز ایلمه
ئوزووه قاتل بیرحموی همراز ایلمه
طاقتیم یوخدی منیم روحیمی پرواز ایلمه
قالمیوب منده داخی تاب و توان عاشقیوم
.
.
ئوره گیم یاره لیدی یاره لنن اعضا تک
موج ایدر درد و غمیم موجه گلن دریا تک
اوج اعلاده گنه سیر ایدرم عنقا تک
صحنه عشقی حسینجان ، پر آچان عاشقیوم
.
.
هم مرام سنیلن ، سن که مرامیم بیلوسن
سن آنام فاطمه نون گلشنون بیر گلی سن
من سنه سویگولویم ، سنده منه سویگولوسن
غم هجرونده سنون قدی کمان عاشقیوم
.
.
منی دیندیر آنام اوغلی ایلیوم دردیمی فاش
ئوره گیم یاره لیدی سن کیمی ای یاره لی باش
دوتما یانه یوزووی من باجیام سن قارداش
قتلگهده باشون اوسته پر آچان عاشقیوم
.
.
زندگی ویردیم حسین عشقوی آلدیم نیلک
سن دوشن ورطه طوفانیده قالدیم نیلک
گل کیمی گلشن عشقونده سارالدیم نیلک
یوسفیم ، کوی وفاده قوجالان عاشقیوم
.
.
نیزه ده ایله تماشا بیله تماشا اولماز
سن کیمی یوسفه فکر ایتمه خریدار اولماز
شهد عشقوندن ایچن دیده سی خونبار اولماز
الده آغ زلفیم حسین پیره زنان عاشقیوم
.
.

متن پیشنهادی:  ای اسوه ی مقاومت جبهه های نور #قاسم_سلیمانی_بیضائی_بناب

#کوفه_نخستین
#زینبم_قارداش_حسین_قلبی_یانان_عاشقیوم
#ترکی
.
✍️ #زبدةالاشعار ✍️
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی