زبانحال حضرت زینب سلام الله علیها
.
✍️ #زبدةالاشعار ✍️
.
🆔: @nohe_torki
.
سبک : ای منی آواره قویان ابوالفضل…
.
محمدرضا نصیری میانجی
.
زینبون احضاریده دی حسینجان حسینجان
بستر بیماریده دی حسینجان حسینجان
.
.
دینه گوره ئوز قانوا باتوبسان باتوبسان
ایستی قوم اوستونده سوسوز یاتوبسان یاتوبسان
بس نیه گوزدن باجوی آتوبسان آتوبسان
حسرت دیداریده دی حسینجان حسینجان
.
.
شمع وصالی یارالی آلیشدیر آلیشدیر
گویلومی گویلونله اخیٰ باریشدیر باریشدیر
صون نفسیمده منی گل دانیشدیر دانیشدیر
غصّه دل زاریده دی حسینجان حسینجان
.
.
عزتیمی الدن آلوب زمانه زمانه
دل سنی ایستور قسم انس و جانه جنانه
آغ کفنی ایلموشم بهانه بهانه
سانکی اورک ناریده دی حسینجان حسینجان
.
.
غملی اولار جان وئرنون نواسی نواسی
عرشه چاتار ناله و آه و واسی صداسی
دردیمون عالمده ولی دواسی دواسی
دست علمداریده دی حسینجان حسینجان
.
.
لحظه ی هجراندی یتیش مقال ائت مقال ائت
باری سینان قلبیله بیر وصال ائت وصال ائت
زینبی زهرایه گوره حلال ائت حلال ائت
دیده سی یوللاریده دی حسینجان حسینجان
.
.
زینبووَم آی یارالی دلاور دلاور
یدّی علمداره ایدیم برابر برابر
ایندی همان زینب ئولور برادر برادر
غملری انظاریده دی حسینجان حسینجان
.
.
گل کیمی هجراندا سولوب سارالدیم سارالدیم
غصه و غمدن اَریوب آزا لدیم آزا لدیم
بیر گونون عرضینده حسین قوجالدیم قوجالدیم
خاطرون ابصاریده دی حسینجان حسینجان
.
.
هر مرضین سن وئروسن دواسین دواسین
باغلاموسان چوخ یارالی یاراسین یاراسین
گل باجووندا وئر ئوزون شفاسین شفاسین
چنگه ی بیماریده دی حسینجان حسینجان
.
.
آتما گوزوندن منی ای وفالی وفالی
باشی اوشاقلیقدان اولان بلالی بلالی
من باشی یاره سن اورک یارالی یارالی
غم دیلیم اقراریده دی حسینجان حسینجان
.
.
بسدی (نصیری) داخی غم نواسی نواسی
حضرت اربابه دئ بو اساسی اساسی
نوحه ی عشقون اوجالی بناسی بناسی
زبدة الاشعاریده دی حسینجان حسینجان
.
.
.
#سبک_ای_منی_آواره_قویان
.
.
#زینبیه_شهادت
#زینبون_احضاریده_دی_حسینجان_حسینجان
#نصیری_میانجی
#ترکی
.
✍️ #زبدةالاشعار ✍️
.
🆔: @nohe_torki
نظر دهید