زبدةالاشعار

زینبون جان اوسته دی ای مهربان قارداش حسین #زینبیه_محمد_هوشمند

زبانحال حضرت زینب (س)
.
✍️زبدة الاشعار✍️
.
🆔: @nohe_torki
.
#سبک_زینبم_جان_اوستیم … 4 سبک
.
#محمد_هوشمند
.
زینبون جان اوسته دی ای مهربان قارداش حسین
حالیمه یوخدور بو غربتده یانان قارداش حسین
.
.
واردی سندن خواهشیم ای معدن لطف و عطا
تئز یتیر شامه اؤزون جانیم سنه اولسون فدا
صون نفسده باشیم اوسته گل اوخی قران اخا
محضرونده بذل ائدیم جانانه جان قارداش حسین
.
.
اولموشام الّی بئش ایل دی عشقیویله آشنا
عشقیوه خاطر دئدیم هر نه بلا گلدی بلی
باشیوین آردیجا گزدیم چوللری گئتدین هارا
کوی عشقونده دولاندیم هر زمان قارداش حسین
.
.
شامیده دولدی بلادن صبریمین پیمانه سی
غربت اولکه اولدی آخر بو غریبین خانه سی
گل اولوم من بیرده شمع لطفوین پروانه سی
هارداسان ای زینبه روح و روان قارداش حسین
.
.
گویلوم ایستیر ایلییم بیرده زیارت من سنی
لطف ائله ای ذوالکرم قورتار بو حسرتدن منی
آز قالیر سولسون بو غربتده حیاتیم گلشنی
خرمن صبریم اولوب غمدن تالان قارداش حسین
.
.
قورتاریر عُمروم قوتارماز عُمرومون نسگل لری
دولدورار شرح غمیم بوندان صورا مقتل لری
یادیمه سالدوقجا دشت کربلاده ائل لری
شعله قلبیمده چکیر سوز نهان قارداش
.
.
هی خیالیمده مجسم دور نه ظلم ائتدی عدو
تشنه لب قانه بویاندون تاپمادیم بیر قطره سو
باشیوی گوردوم کسور شمریله اولدوم روبرو
تاپمادیم چاره باخیب یاندیم امان قارداش حسین
.
.
یادیمه سالام نه ظلم ائتدی او چولده اشقیا
یدی قارداشین غمینده ایلرم آه و نوا
قالدی نعشین گون قباقینده سنه جانلار فدا
نیزه باشین ایلدی باشون مکان قارداش حسین
.
.
سیل غم موج ایلدوقجا صبریمین سدّین یخار
خاطراتیم قلبیمی هر یاده دوشدوقجا سیخار
سن کیمی قارداش باجون ئولسون مگر یاددان چخار
ائتمیشم دیلده آدین ورد زبان قارداش حسین
.
.
مرغ بسمل تک اسور هجرینده قلب مضطریم
یوخدی باشیم اوسته عباس و علی اکبریم
هی باخیر کرب و بلایه ساری حسرت گوزلریم
قلبیمین باشین آلیب قاره دومان قارداش حسین
.
.
باشیم اوسته گل تلاوت ائت گیلین قرآن اؤزون
باشیمه سال سایه سوندور دیلده کی هجران کؤزون
یوخدی بیر کس باغلیا من بیکسین آغلار گؤزون
گوزلریم قالمیش یولوندا ناگران قارداش حسین
.
.
یوخ سوزوم من هر زماندا تیرغم آماجیم
آخرِ عمرینده قارداشسیز قالان بیر باجیم
هر زماندان آرتیق الان لطفوون محتاجیم
تنگ اولوبدی زینبه سنسیز جهان قارداش حسین
.
.
“هوشمند”م اولموشام شمع وفا پروانه سی
حالیمی درک ائیلیینمز درد و غم بیگانه سی
دفتر عشّاقه ثبت ایله حسین دیوانه سی
زینبین یازدیم دیلیجه هارداسان قارداش حسین
.
.
#زینبیه_شهادت
#زینبون_جان_اوسته_دی_ای_مهربان_قارداش_حسین
#مدهوش
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  وُردی چون ملجم اوغلی خفتدن #حسنیه_امانی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی