وصیت حضرت زهرا به دخترش حضرت زینب کبری (ع)
.
✍️ #زبدةالاشعار ✍️
.
🆔: @nohe_torki
.
#سبک_دولدوروب_جهانی …
مشابه
.
.
حاج حسین حسنی تبریزی
.
.
زینبیم آز آغلا صبر ایله فراقه
گل گوزیمی باغلا جان یتوب دوداقه
سالما اوز اوزون دلدن
گل آنان گیدور الدن
زینبیم آز آغلا (2)
.
.
ظلم اشقیادن وار سینمده یاره
تاپمادیم ئولونجه من بو درده چاره
گل آنا غمینده باغلا باشه قاره
اول حسین پرستاری
وئر بالاما دلداری
زینبیم آز آغلا (2)
.
.
.
تا آتان گلینجه وار الیمده فرصت
گل یانیمدا اگلش ایلیم وصیت
فاطمه غمینده ایله استقامت
چوخ قیامتیم واردی
بیر امانتیم واردی
زینبیم آز آغلا (2)
.
.
باشوون بلاسی یتمز انتهایه
بو بلالی باشون تیز دوشر بلایه
تاپشوروم امانت ساخلا کربلایه
ساخلا جانه منّتدى
بیر آغور امانتدی
زینبیم آز آغلا (2)
.
.
بوامانت اوسته چکموشم ریاضت
چون حسینیمندی واردی جانه هنت
آخرین وداعده ایستینده کسوت
اگنینه بالام گیسون
قویما قیزلاری بولسون
زینبیم آز آغلا (2)
.
.
بوحسین غمیمده آغلیاندا قویما
غم شراری قلبین داغلیاندا قویما
گوز یاشین عذاره باغلیاندا قویما
گورمه اشکریزیمدی
بوحسین عزیزیمدی
زینبیم آز آغلا (2)
.
.
قلبده آناوون واردی بیر مرامی
آغلیاندا زینب دوت دله بالامی
قوی باشینین اوسته هر گجه سو جامی
قلبدن منی آتماز
چون بالام سوسوز یاتماز
زینبیم آز آغلا (2)
.
.
تو کمه اشک آلون بو گوزل عذاره
وار بو گؤز یاشوندا چوخلی درده چاره
سینم اوسته گل توک گوز یاشون دوباره
دردیمه دوا اولسون
سینمه شفا اولسون
زینبیم آز آغلا (2)
.
.
آز قالور الوندن دامنیم اوزولسون
ئولماقین نشانی آلنیما دوزولسون
عمرومون سهیلی ایستوری سوسوزلسون
گل ئوپوم دوداقوندان
یانمیوم فراقوندان
زینبیم آز آغلا (2)
.
.
بلبله چتیندی آیریلا چمندن
قلبیمون ملالی چوخلاشار بو غمدن
بیرده گوز گوتورمه قارداشون حسندن
قارداشون اولار مسموم
یوخ حسن کیمی مظلوم
زینبیم آز آغلا (2)
.
.
ایلینده کلثوم گوز یاشین روانه
مرگیمی اوشاقدی ایلسه بهانه
سیلی یاشین گوزوندن گلمسون فغانه
نایب اول منِ زاره
باغلا باشینه قاره
زینبیم آز آغلا (2)
.
.
.
قیز آنا عزاسین رسم دور که ساخلار
اگلشور عزاده خوش دلیله اوخشار
یاره لی دلیله اوخشاماقه باشلار
اگلشر دمِ درده
خاطری گلر درده
زینبیم آز آغلا (2)
.
.
قبره حمل اولاندا رسم دور جنازه
جمع اولار بیر عده دورماقا نمازه
قیز گلر مزاری اوسته کشف رازه
قبریم اوستنه گلمه
هاردا دور یریم بولمه
زینبیم آز آغلا (2)
.
.
#فاطمیه_حسنی_تبریزی
#فاطمیه_شهادت
#زینبیم_آز_آغلا_صبر_ایله_فراقه
#ترکی
.
✍️ #زبدةالاشعار ✍️
.
🆔: @nohe_torki
نظر دهید