زبانحال حضرت زینب (س) در حال احتضار
.
.
.
#سبک_ای_قلم … 5 سبک
.
.
#هدایت_تبریزی
.
.
زینبین حالینه داشلار آغلار
باجیلار ئولسه قارداشلار آغلار
بولسه لر قالمشام نه حالا من
نیزه لرده گزن باشلار آغلار
.
.
واگیر :
آی منیم تنده روحِ روانیم
گل حسین باشوه من دولانیم
.
.
زینبین قلبنی درد آلوبدی
قلبیمی غصه درده سالوبدی
گوزلورم بلکه گلدی حسینیم
گوزلریم کربلاده قالوبدی
.
.
خستیم ، یاسلیام ، داغدارم
خون دلم ، جان چخور ، بی قرارم
یولدا گوز جان ویرور غملی زینب
گل حسینیم سنه انتظارم
.
.
من سنه عاشق جان نثارم
دردمندم ولی یوخدی چارم
قلبمین قانی جاریدی گوزدن
شوق وصلونله چوخ بی قرارم
.
.
شمع تک یانمشام فرقتونده
داغدار اولموشام رحلتونده
حسرتینده یانور جسم و جانیم
قالمش آغلار گوزوم تربتونده
.
.
هر نه محنت گلوب آلمشام من
شامده ولوله سالمشام من
ایندی یردن دورام طاقتیم یوخ
چوخ یامان گونلره قالمشام من
.
.
سن منیم گورماقا گوزلریمسن
پر آچوب اوچماقا شهپریمسن
شوق دیداروه چرپنیر دل
سن منیم سوگلی دلبریمسن
.
.
وار یری آهم عرشه اوجالسین
اللریم سینه مین اوسته قالسین
روزگارین ایشین گور که ایستور
شامده زینبین جانین آلسین
.
.
محنتین قلبیمی درده سالدی
صبر و آرامیمی الدن آلدی
گل باجون زینبین حالینه باخ
ایل یاریمدا نجه گور قوجالدی
.
.
آغلادیم گوز یاشیم دوندی سیله
دوندی گوندوزلریم تیره لیله
لطف ایله چخمامیش جان دوداقدان
زینبونده عیادت گل ایله
.
.
عاشق صادقم دوزدی عشقیم
یوخدی نقصی یوزه یوزدی عشقیم
گوزلریم سوزدی عشقیم سوزولمز
ناقصم گر دیسم سوزدی عشقیم
.
.
گل حسین آلنما تر دوزولدی
قتلگاهه باخان گوز سوزولدی
اول زمان خانه ویرانه اولدوم
اللریم اللرینده اوزولدی
.
.
عاشقم عشقمه مدرکیم وار
بولسن احوالیمی دردین آرتار
تازیانه یئرین پیکریمده
گورسه غسلومدا غساله آغلار
.
.
شمع تک سوندی بخت بلندیم
هر ندن چوخ سنی من بگندیم
سنله اولموش عجین گوست و خونیم
یا حسین سسلنور بند بندیم
.
.
زینب قهرمان پیر اولوبدی
قدرتی یوخ زمین گیر اولوبدی
ایل یاریم آغلیوب فرقتونده
جان ویرور جانیدن سیر اولوبدی
.
.
زینبین اشکی قانه دولاندی
اود دوتوب قلبمین باشی یاندی
روحی سیر ایلیور کربلاده
جسمنه شام شوم آشیاندی
.
.
صبر ایدوب صبری حیرتده قویدوم
عشرتین ریشه سین دلدن اویدوم
یرده جسمین گورنده دمادم
آغلیوب آغلیوب جانه دویدوم
.
.
وار گوزوم ائل لریم یاسه گلسین
آغلاسین غمدن احساسه گلسین
ئوزگه لردن یوخوم انتظاریم
کیم خبر ویرسین عباسه گلسین
.
.
#زینبیه_شهادت
#زینبین_حالینه_داشلار_آغلار
#ترکی
#زبدةالاشعار
نظر دهید