زبانحال حضرت امام حسین (ع) به حضرت زینب کبری (س) در شهادت مادر
.
✍️ #زبدةالاشعار ✍️
.
🆔: @nohe_torki
.
#سبک_واردی_باشیمدا_یا_حسین
#سبک_ای_حرمینه_ناز_ائدن
#سبک_عطری_گلور_محرمون و …
.
.
حاج غلامرضا #عینی_فرد
.
زینب آنام مصیبتین
سن باجی دئ من آغلیوم
سینه ده کی جراحتین
سن باجی دئ من آغلیوم
.
.
چون آنالار ئورک سوزون قزلارینا بیان ایدر
همسره قارداشا دیمز چوخ سوزونی نهان ایدر
قز آنیا آنا قزا دردِ دلین عیان ایدر
باشلا آنام مصیبتین سن باجی دی من آغلیوم
.
.
هیچ گُل آنام کیمی باجی دار فناده صولمادی
قُمرلرین بوداقینه چکماقا فرصت اولمادی
هی گجه گوندوز آغلادی آغلامادان یورولمادی
گورمدیم استراحتین سن باجی دی من آغلیوم
.
.
ئولمزیدی بو تزلیقا صاحب عزّ و شأن آنام
مظلوم آنام گوزل آنام هامیا مهربان آنام
دار فنانی ترک ایدیب علتی وار جوان آنام
شرح ایله ایندی علّتین سن باجی دی من آغلیوم
.
.
اود ویریب اوندا که عمر ظلمیله آستاننه
یاندی قاپی فشار در رعشه سالوبدی جاننه
میخ در اوندا سینه سین یاردی بلشدی قاننه
قانه بلشمش حالتین سن باجی دی من آغلیوم
.
.
چکمدی ذوالفقارینی خیبر آلان آتام ندن
مظلوم آنامی وردولار دوزدی امام مُمتحن
بس کیمه ناز ایداخ باجی قالدوخ آناسیز ایندیدن
صبریم آلان فراقتین سن باجی دی من آغلیوم
.
.
باشدان ئولنجه آچمادی حیف اولا قاره معجرین
شمع کیمی ارتدی غم غصّه یارالی پیکرین
ای آنامون شیرین دلی باشلا یانقلی سوزلرین
آغلاماق اولسا نیّتین سن باجی دی من آغلیوم
.
.
گاه قویاردی اللرین سینیه گاه صورته
یوخلامینجا من آنام یوخلامادی بو علّته
پی آپارانمیا حسین ثانی ایدن جنایته
ئورتدی همیشه صورتین سن باجی دی من آغلیوم
.
.
چون آنامون علاقه سی واردی کچک اوشاقینه
گونده چکردی قوش کیمی گل لرینی بوداقینه
نولدی اوچ آیدا هیچ منی آلمادی بیر قوجاقینه
تز عوض ایتدی عادتین سن باجی دی من آغلیوم
.
.
آیریلقا دوزنمورم قانه دونوبدی گوزیاشیم
ئولدی ننم بلالره دوشدی بلالی بو باشیم
کوچه قضیّه سین سنه گر دیسه نازلی قارداشیم
برده همان حکایتین سن باجی دی من آغلیوم
.
.
نقل ایدوری حسن او گون مطرح اولان زمان فدک
آلدی آنام قباله نی منزلینه گلوردی تک
گلدی قارا بولوط اودم مه یوزونه سالوبدی لک
یالقوزمیش او ساعتین سن باجی دی من آغلیوم
.
.
تاپسام اگر مزارینی ای باجی سینه داغلارام
باشینه تپراقین سپوب قبرینون اوسته آغلارام
یوخلامارام دارخمارام اشگیم عذاره باغلارام
سالساخ اله زیارتین سن باجی دی من آغلیوم
.
.
ایندی بهشتده آلوب محسنینی قوجاقینه
گلسه ایوه حسین قویار گونده ئوزون ایاقینه
وای باجی جان باخانمورام خالی اولان اطاقینه
گتدی صفاسی جنّتین سن باجی دی من آغلیوم
.
.
کسمه، سن «عینی فرد یدن» لطف و عنایتون باجی
سندن آلوبدی دهریده وجهه و شهرتون باجی
قسمت اولوب دمشقده برده زیارتون باجی
سالدی گوزل کتابتین، سن باجی دی من آغلیوم
.
.
.
#فاطمیه_شهادت
#زینب_آنام_مصیبتین_سن_باجی_دئ_من_آغلیوم
#عینی_فرد
#ترکی
.
✍️ #زبدةالاشعار ✍️
.
🆔: @nohe_torki
نظر دهید