زبدةالاشعار

زینب ای فاطمه نین مظهر تقواسی قیزیم #فاطمیه_خوندل_تبریزی

وصیّت حضرت زهرا (س) به حضرت زینب (س)
.
.
.
مرحوم حاج حیدر خوندل
.
.
زینب ای فاطمه نین مظهر تقواسی قیزیم
وی علینین مثلِ صبر و شکیباسی قیزیم
.
آغلاما آغلاماقون آرتوراجاق رقّتوی
گیده جاق خاطریوین قدرت و یاراسی قیزیم
.
گَل ایشیت آخر عمریمده وصیتلریمی
آناوین واردی ثمر بخش وصایاسی قیزیم
.
قیزلارین عفّت و تقوادی قیزیم زیب و زری
زینتی، عفّت و اخلاق سجایاسی قیزیم
.
فتنه لر یاغسادا صبر ایله، ایتیرمه اُزوی
سنده قوی صورته صبرین دوشه معناسی قیزیم
.
مندن آیریلماقا صبر ایت بو ایوین چون سن اوزون
اولاجاقسان من اُلَندَن صورا زهراسی قیزیم
.
زندگانلیقدا اولان کشمکشی آل نظره
بیله ایجاب ایلیوب دهر تقاضاسی قیزیم
.
سن بو گوندن اولاجاقسان آناسیزلار آناسی
واردی سندن آناوین بیر بو تمنّاسی قیزیم
.
آنالیق ایله حُسینیله حسن قارداشوا
آنا لازمدی اولا عاطفه دریاسی قیزیم
.
هم دم گرمیله گرم ایله علی محفلینی
هم بو کاشانه نین اُول انجمن آراسی قیزیم
.
دُولمیه خاطر آزاد علی غصّه ایله
اولسا ناراحت اولار روحیمون ایذاسی قیزیم
.
من که آز عمریمی صرف ایلمیشم خدمتینه
حالَتیمدور بو سوزون شاهد گویاسی قیزیم
.
بیعت اوستونده علی خاطرینه ئولدی بالام
هم بوکولدی آناوین قامت رعناسی قیزیم
.
سهلدور یاندی قاپیم ظلمیله، اُز سینه می من
سپر ایتدیم اولونان گون خطر احساسی قیزیم
.
سنده مهریله هامی امرینی اجرا ایده سن
فرضدور چون هامیه امرینین اجراسی قیزیم
.
هم آتاندور ئوزی هم یر یوزونون حجّتدور
هم هامی ماخَلَقین سرور و مولاسی قیزیم
.
بیرده بیر گون گوره سن لعل لبینده حسنین
قانه آغشته اولان سوده ی الماسی قیزیم
.
عمرینین گلشنینی زهر جفا سُولدوراجاق
باتاجاق یاسه اُونون یاسمن و یاسی قیزیم
.
بیرده وار بیر سفر عشق، سنی کامل ایدر
واردی چوخ کشمکش و شورش و غوغاسی قیزیم
.
کربلایه بو حسینیله دوشنده گُذرون
حلّ اولار اوندا سنه عشق معمّاسی قیزیم
.
بیرده کلثوم که چوخ فکریمی اشغال ایلیوب
هم اوشاقدور یوخ اونون غصّه تواناسی قیزیم
.
چکمیشم نازینی بیر عمر بو اوچ شاخه گُلین
اولموشام هر بیرینین محو تماشاسی قیزیم
.
بیرده سَنسَن که ئوزون نایبه سَن سنده منه
سنده وار فاطمه نین سیرت و سیماسی قیزیم
.
هر قدر سالک عشق اولسا ثبات و قدمی
وجه اَحسنله اولور سنده تجلّاسی قیزیم
.
شرکتون وار بو حُسینیله قیام ایلیه سَن
او قیامیله اولار عهدیوین ایفاسی قیزیم
.
بیر یاریم گونده ایله مُوجه گَلَر بحر بلا
آل طاهانین اولار محشر کبراسی قیزیم
.
ابر ظلمیله او طوفاندا یاغار بارش خون
کربلانین بویانار قانیله صحراسی قیزیم
.
انجمن چرخ هدایت یره بیر بیر توکولَر
ختم اولار قارداشوین ایتدوقی سوداسی قیزیم
.
ای گوزوم نوری، وفا کانی، همان گونده گرک
زینبین ظاهر اولا همّت والاسی قیزیم
.
گر قاپوم یاندی سنونده یاناجاق خیمه لَرون
فکری یوخ، یانماقا پروانه نه پرواسی قیزیم
.
ووراجاق قلبوه مین لر یارا هر نازلی قیزین
پای پر آبله ی بادیه پیماسی قیزیم
.
عزّت و جاه ندور، جاندا نثار اولسا اولوب
اولا منظور گرک دینوین احیاسی قیزیم
.
پرچم عشقی گوتور، رَهسِپَر اول شام یولون
صابر اول هر نه قدر اولسا بلایاسی قیزیم
.
باشوه جمع ایله زلفون کیمی آشفته لری
باشلانان گون باشیوین لیلیه ی یلداسی قیزیم
.
سیزلره شامده آماده دی بیر بزم شراب
اول بو گونده او گونون سنده مُحَیاسی قیزیم
.
بزم شاهانه ولی مجلس شطرنج و قمار
وار علاوه مِی و مِی خواره دسیساسی قیزیم
.
اوردا بیر قُورخولی هنگامه پدیدار اولاجاق
اولاجاق قیزلاریمون محشر عظماسی قیزیم
.
آپارار جبریله دشمن ایله بیر بزمه سیزی
جدّیوین تا اولا تاویل او رویاسی قیزیم
.
بیر یزید آدلو ستم پیشه، خطاکار و شرور
محو اسلامه اولار سعی و تقلّاسی قیزیم
.
گوره سن مسند پیغمبری اشغال ایلیوب
حقّدن یوخدی اونون شرم و مَهاباسی قیزیم
.
باده ی کبر و غروریله اولار مست و خراب
عقلینی زائل ایدر غُرّه ی صُهباسی قیزیم
.
آرزو ایلسه مقتول اولان اجدادین اگر
بدرین اَشیاخینه قهرا اولار ایماسی قیزیم
.
باخما وار مجلسینون هیبتی، قهریله دانیش
یاده دوشسون آناوین خطبه ی غَرّاسی قیزیم
.
یعنی بی پرده یتور خلقه هامی مطلبی تا
عالمین فاسق و فاجر اولا رسواسی قیزیم
.
سرنوشتین هَله بو مرحله پایانی دگل
رمز عشقین یازیلوب قانیله طُغراسی قیزیم
.
بوتُرابین ایده جاق قیزلارینی خاک نشین
تا که بی ارزش اولا بستر دیباسی قیزیم
.
فرش سیز، خاک نشین، منزلت عرش تاپار
قدر انسانین اولار جلوه ی زیباسی قیزیم
.
اوچ یاشندا بالا بیر قیز اولا ویرانه نشین
لاجرم عادت اولار صبر و شکیباسی قیزیم
.
گل یوزی آفت تاراج خزانیله سولار
اشک حسرتله دولار نرگس شهلاسی قیزیم
.
اشک هر قدر عزیز اولسادا مین طعنه وورار
خاکه آلوده اولان زلف مِطَرّاسی قیزیم
.
گَتورَر گوشه ی ویرانیه آخِر آتاسین
فاش اولار عالمه معنای تولّاسی قیزیم
.
جان نثار ایلر او حالتده اولار محو وصال
عالم وصلدی هر عالمین اعلاسی قیزیم
.
قبره تاپشور اونی، اوز پیرهنین ایله کفن
پوزماسون حالتوی حال غم افزاسی قیزیم
.
بیر عزا مجلسی بر پا ایله ویرانه ده تا
حجّت الله اولا سر خِیلِ معزّاسی قیزیم
.
توپراق اوستونده نماز شبوی ایله اَدا
عارفون چون قوری توپراقدی مُصَلّاسی قیزیم
.
بیزه وابسته دی #خوندل یازار اشعار ظریف
اوغلومون بیر گون اولار عاشق شیداسی قیزیم
.
تانیماز ئوز قاپوموزدان صورا بیر اوزگه قاپی
اولسا هر نوکریوین دیده ی بیناسی قیزیم
.
.
#فاطمیه_شهادت
#زینب_ای_فاطمه_نین_مظهر_تقواسی_قیزیم
#خوندل_تبریزی
#ترکی #فاطمیه
#زبدةالاشعار

متن پیشنهادی:  یار آخر از جمالش پرده را خواهد کشید #مهدیه_شبخیز

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی